Samkvæmt verðlagskönnunum ASÍ. Munur á hæsta og lægsta verði oftast 25 til 75%
Litla fiskbúðin er einna helst þekktust fyrir að vera langódýrust og með gæða fisk. Að sögn Jóns Garðars Sigurvinssonar, annars eigenda Litlu fiskbúðarinnar, ákváðu hann og meðeigandi hans, Gylfi Norðdal, að stofna verslunina árið 2008 vegna mikillar eftirspurnar á ódýrum fiski á íslenskum markaði. „Í dag eru verslanirnar orðnar þrjár í heildina hjá okkur en við opnuðum þriðju verslunina fyrir jól við hliðina á Bónus í Helluhrauni í Hafnarfirði,“ segir Jón. „Samkvæmt könnunum erum við alltaf langódýrastir,“ bætir hann við en samkvæmt verðlagskönnun Alþýðusambands Íslands er lægsta verðið á ferskum fiski oftast í Litlu fiskbúðinni. Könnunin náði til 23 verslana vítt og breitt um landið. Í umræddri könnun var kannað verð á 25 algengum tegundum af fiskmeti og var munur á hæsta og lægsta verði oftast 25 til 75 prósent.
„Við sérhæfum okkur fyrst og fremst í góðum og ferskum fiski,“ segir Jón. „Við erum einnig með ýmiss konar fiskrétti sem viðskiptavinir geta keypt. Auk þess tökum við sérpantanir frá veitingastöðum svo dæmi séu dæmi nefnd,“ segir Jón. Hráefnið er sótt á markað á hverjum morgni og leitast eigendur verslunarinnar við að vera með allt hráefni sem allra ferskast.
í Helluhrauni í Hafnarfirði er opið alla virka daga frá kl. 11.00 til 18.30.
Í Miðvangi í Hafnarfirði er opið á mánudögum og þriðjudögum frá kl. 09.00 til 18.30. Miðvikudaga til föstudaga frá kl. 10.00 til 18.00.
Á Háaleitisbraut er opið alla virka daga frá kl. 10.00 til 18.00.
