Kannski ert þú ein/n af þeim sem hafa falið sogblett með trefli einhvern tíma á ævinni, eða hefur komist að því á dramatískan hátt að ryksugan er ekki heppilegur kynlífsleikfélagi (þannig tilraunastarfsemi er algengari en þú heldur).
Kynlíf er ákveðin tegund af líkamsrækt, og full ástæða til að sníða stellingarnar og stuðið eftir líkamlegu formi iðkenda. Ef þú ert kyrrsetukona á fimmtugsaldri ferðu kannski ekki að stunda kynlíf hangandi á hvolfi í kristalsljósakrónunni, frekar en þú skráir þig í Reykjavíkurmaraþon bara si svona!

Hamagangur í kynlífi hefur stundum meiðsli í för með sér, en könnun sem stefnumótavefurinn Meetville gerir árlega leiddi í ljós að á þriðjungur svarenda hlýtur meiðsl af völdum kynlífs á hverju ári. Fjörutíu prósent þeirra sem meiða sig átta sig ekki á því fyrr en daginn eftir, enda eru sæluhormón fljótandi um líkamann í kjölfar á vel heppnuðu kynlífi og dómgreind í ástarbríma kannski ekki sem best.

Samkvæmt niðurstöðum er kynlíf hættulegast á þessum stöðum:

Í sófanum
Í tröppum
Í bílnum
Í sturtunni
Í svefnherberginu
Á stól
Á eldhúsborðinu
Úti í garði
Inni á baðherbergi

Það virðist líka nokkuð algengt að fólk brjóti hluti í ástarleikjum. Í könnun Meetville svöruðu 40% því játandi. Algengast er að eftirfarandi tíu hlutir séu brotnir:

Rúm
Vínglös
Myndarammar
Stólar
Bollar
Veggir
Kommóður
Hurðir
Gluggar
Blómavasar