Fjölskyldufyrirtæki sem hefur vaxið og dafnað með sterkri liðsheild starfsfólks
Prentmet leggur mikla áherslu á að veita lausnamiðaða og persónulega þjónustu. Fyrirtækið er í eigu hjónanna Ingibjargar Steinunnar Ingjaldsdóttur og Guðmundar Ragnars Guðmundssonar en þau stofnuðu það árið 1992. Helstu einkenni Prentmets eru hraði, gæði og persónuleg þjónusta. Fyrirtækið er þekkt fyrir að leysa málin og standa við gefin loforð. „Stefnt er að því að ná sterkri markaðshlutdeild til að tryggja eðlilega samkeppni, hátt þjónustustig og faglegan metnað,“ segir Ingibjörg.
Prentmet er ein framsæknasta prentsmiðja landsins með alhliða þjónustu og frábært starfsfólk. „Prentráðgjafar okkar eru með margra ára reynslu í að þjónusta prentverk. Við erum með mestu breidd á einum stað í prentun. Við byggjum á sterkri liðsheild starfsfólks, nýjustu tækni og með markvissri sókn heldur fyrirtækið áfram að styrkja stöðu sína á markaðnum,“ segir Ingibjörg. Í framhaldinu segir hún: „Við hjá Prentmet bjóðum upp á heildarlausnir í prentgripum. Má þar nefna, nafnspjöld, skrifblokkir, bréfsefni, reikninga, umslög, foldera, möppur, stimpla, bæklinga og fleira. Við bjóðum einnig upp á það fullkomnasta í bæði offsetprentun og stafrænni prentun þar sem hraði og vönduð ráðgjöf er í fyrirrúmi. Auk þess bjóðum við upp á mikla breidd í umbúða- og bókaprentun.“
„Við vinnum mjög náið með viðskiptavinum okkar,“ segir Ingibjörg. Hún segir frá hvernig Prentmet greinir þarfir viðskiptavina og hvernig fyrirtækið hefur tekið þátt í vöruþróun hjá viðskiptavinum sínum. „Hjá Prentmeti hefur þú þinn eigin sölu- og þjónustufulltrúa sem tengir þig og kröfur þínar við framsækið og metnaðarfullt fagfólk. Sölufulltrúar okkar veita þér ráðgjöf og þjónustu alla leið frá hugmynd að fullunnu verki. Þeir bregðast skjótt við óskum þínum og fyrirspurnum, eru fljótir að gera tilboð og sjá til þess að umbeðin vara verði afhent á réttum tíma,“ segir Ingibjörg að lokum. Prentmet er til húsa að Lynghálsi 1 í Reykjavík, Eyravegi 25 á Selfossi og Heiðargerði 22 á Akranesi. Opið er alla virka daga frá kl. 08.00 til 17.00.
