Otto B. Arnar ehf. fagnar 97 ára afmæli – Vandaðar vörur á viðunandi verði
Otto B. Arnar (OBA) ehf. sérhæfir sig í innflutningi á ýmiss konar skrifstofuvélum og sérhæfðum vélbúnaði fyrir fyrirtæki, banka, skóla og aðrar stofnanir. OBA er með elstu starfandi fyrirtækjum á landinu en það verður 97 ára í febrúar.
„Markmið okkar hefur ávallt verið að bjóða vandaða vöru á viðunandi verði og veita viðskiptavinum okkar persónulega þjónustu en lykilorð fyrirtækisins er einmitt „Þjónusta til frambúðar“, en með þetta lykilorð að leiðarljósi hyggst fyrirtækið auka vöruval sitt þegar fram líða stundir til að geta veitt viðskiptavinum sínum enn betri þjónustu,“ segir Birgir Arnar einn eigandi OBA. Í framhaldinu nefnir hann að áherslan sé meiri núna á tölvutengda þætti, eins og til dæmis tölvutengjanlegar stimpilklukkur með fjölbreyttu innskráningarformi, fingraförum, handmótun, nándarkortum eða bara starfsmannanúmeri.
Meðal sérhæfðs vélbúnaðar sem fyrirtækið selur eru meðal annars mjög fullkomnar kortagerðarvélar sem eru notaðar til að gefa út langflest bankakort í umferð hérlendis, en fyrirtækið selur einnig plastkortaprentara fyrir félög og fyrirtæki til að gefa út eigin starfsmanna- og félagakort, vinnustaðaskírteini og fyrir alls konar viðskiptahlunnindi. Margir öryggisþættir eru í boði vegna misnotkunar, en hafa hingað til ekki verið viðhafðir í sama mæli og erlendis, þar sem misbeiting hefur ekki verið eins algeng hér en er greinilega að færast í aukana.
Fyrirtækið hefur einnig haslað sér völl á sviði véla til að annast frágang og dreifingu á póstlögðu efni og má þar nefna pappírsbrotvélar, umslagaísetningarvélar og póstflokkunarvélar frá hinu þekkta fyrirtæki Pitney Bowes, en fyrirtækið sérhæfir sig í ýmsum lausnum varðandi fjölföldun og frágang ritaðs efnis: þá þess sem ekki er unnið í prentsmiðjum eða fjölritunarstofum.
Þar má nefna innbindivélar fyrir vírgorma og plastgorma og plöstunarvélar, bæði fyrir rúlluplast og plast í afmörkuðum stærðum frá bankakortastærð upp í A2 stærð, og að sjálfsögðu mikið úrval af rekstrarvöru. Auk þess býður fyrirtækið iðnaðarvélar fyrir sömu vinnslu ætlaðar prentsmiðjum og öðrum fjölföldunarfyrirtækjum.
Ein nýjung sem fyrirtækið býður nú er öryggisvottun fyrir vefsíður sem eru sérstaklega lokaðar. Þessi öryggisvottun er í boði í samstarfi við bandaríska fyrirtækið Entrust en fyrirtækið Datacard, sem framleiðir plastkortalausnir og búnað, keypti nýlega þetta öryggisvottunarfyrirtæki, sem sameiginlega bera heitið Entrust Datacard Corporation. Nú þegar er eitt íslenskt fyrirtæki komið með slíka vottun frá því. Fyrirtækið hefur starfað hérlendis fyrir Datacard í 30 ár og er aðferðartæknin mun eldri en fyrirtækið fékk umboð fyrir „Addressograph“ fyrirtækið 1929, enda yfirtók Datacard þetta fyrirtæki fyrir meira en 30 árum. Eins og áður hefur komið fram notar íslenska bankakerfið búnað frá Datacard til að gefa út öll persónukennd bankakort á Íslandi og hefur gert það í hartnær 30 ár.
„Við munum halda áfram sem fyrr að kappkosta að veita viðskiptavinum okkar góða þjónustu og vera þeim innan handar með öflun hvers kyns búnaðar sem völ er á. Það lítur fram til ársins 2019 þegar það verður 100 ára og stefnir að því að verða enn öflugra þá en í dag,“ segir Birgir að lokum.
Otto B Arnar ehf. | Skipholti 17, 105 Reykjavík | Sími: 588 4699
Opnunartími: mán-fös: 9-17 | Vefsíða www.oba.is
