Gabríel Kristinn Bjarnason matreiðslumaður og landsliðskokkur á heiðurinn af helgarmatseðlinum að þessu sinni sem hann valdi að hafa einfaldan, léttan og ferskan. „Gaman að geta boðið upp á ferskan og einfaldan helgarmatseðill eftir alla þungu jólaréttina í desember,“ segir Gabríel

Gabríel kom, sá og sigraði í keppninni Besti ungkokkur Norðurlandanna sem haldin var í fyrra í Danmörku og síðan gerði hann sér síðan lítið fyrir og vann bronsið í keppninni um Kokk ársins á Íslandi í fyrra sem er magnaður árangur fyrir ungan kokk. Loks fór hann út með íslenska kokkalandsliðinu á heimsmeistarakeppni matreiðslumanna þar sem þeir náðu glæsilegum árangri rétt fyrir jól og hömpuðu 6.sæti.

Færir sig yfir á Dill

„Árið 2023 er spennandi ár með fullt af nýjum tækifærum . Á þessu ári þá kveð ég Héðinn Kitchen & Bar eftir frábært ár hjá þeim þar sem ég lærði mikið og vann með skemmtilegu og flottu fagfólki. Síðan mun ég byrja að vinna á Dill sem er 1 michelin-stjörnu veitingastaður í hjarta borgarinnar. Ég hlakka til að sjá og prófa nýja hluti með þeim á þessu ári,“ segir Gabríel sem er orðinn mjög spenntur fyrir komandi tímum.

„Eftir flottan árangur hjá kokkalandsliðinu á heimsmeistaramótinu lok síðasta árs í Lúxemborg byrjar bráðum nýtt tímabil þar sem við stefnum á gullið í ólympíuleikunum í Stuttgart í febrúar árið 2024, og hlakkar mig mikið til að byrja æfa með liðinu aftur eftir gott jólafrí.“

„Í byrjun árs langar mig að bjóða lesendum upp á ferskan og einfaldan helgarmatseðil sem er eflaust kærkomið eftir kræsingarnar yfir hátíðirnar. Réttina valdi ég með það í huga.“

Föstudagur – Humarloka og nutellakaka sem slær öll met

„Það er bóndadagur í dag og þá er um að gera vel við sig og humar er einn af mínum uppáhalds mat svo þessi humarloka á vel í tilefni dagsins. Svo er gott að enda kvöldið á þessari nutellaköku sem bráðnar í munni. Fullkomin bóndadagsmáltíð sem er ekki flókin og gleður bragðlaukana.“

Humarlokan sem enginn getur staðist

Nutellakakan sem bráðnar í munni

Laugardagur – Syndsamlega smjörborðið sem hefur slegið í gegn

„Þetta er kærkomin ferskur og léttur laugardagsréttur sem á vel við daginn eftir bóndadag og steinliggur í góðra vina hópi.“

Syndsamlega smjörborðið sem hefur slegið í gegn

Sunnudagur – Grillaður þorskur með lauksalati og sósu

„Á sunnudagskvöld er kærkomið á fá grillaðan fisk og úr þessari grein ætla ég að velja þorskinn, lauksalatið og sósuna og töfra fram einfaldan og léttan rétt á sunnudagskvöldið til að njóta.“

Grillaður þorskur með lauksalati og sósu