fbpx
Fimmtudagur 24.apríl 2025

Gengur ekki í stjórnarsamstarfi

Ritstjórn DV
Þriðjudaginn 19. janúar 2016 23:00

Ekki missa af Helstu tíðindum dagsins í pósthólfið þitt

Lesa nánar

Aldrei er það svo að við stjórnarþingmenn séum sammála um allt þegar kemur að ráðstöfun fjármuna ríkisins. Til að mynda eru ekki allir sammála um að ríkið greiði einstaka mönnum nokkrar milljónir á ári, áratugum saman fyrir að skrifa sömu bókina eða aðra eins og þá síðustu. Menn eru heldur ekki sammála um hvað eigi að greiða bændum í gegnum búvörusamning til að gera íslenskan landbúnað samkeppnishæfan við niðurgreiddan landbúnað í öðrum löndum.

Nú í vikunni lýsti formaður efnahags- og viðskiptanefndar sig andvígan aðild Íslands að Innviðafjárfestingabanka Asíu. Stofnun bankans er hluti af þróunarsamvinnu flestra vestrænna ríkja til að styrkja fjárfestingar í Asíu. Með þátttöku okkar er opnað fyrir að íslensk fyrirtæki geti haslað sér völl á þessum svæðum þar sem efnahagslegur vöxtur er hvað mestur í heiminum. Í því geta falist miklir hagsmunir fyrir Ísland.

Þær smávægilegu fjárveitingar sem hafa farið til greiðslu á skuldbindingum Íslands hefur Alþingi samþykkt með fjáraukalögum 2015 og fjárlögum fyrir 2016. Ólíklegt er að við þurfum að greiða nema um fimmtung af 2,3 milljarða króna skuldbindingu og það á fimm árum. Samþykktir bankans lágu fyrir þegar greidd voru atkvæði um fjárlög og fjáraukalögin. Engin ástæða er því til þess að ætla að Alþingi greiði gegn hinni óþörfu þingsályktunartillögu utanríkisráðherra um heimild til að staðfesta samþykktir bankans.

Rétt er hjá formanni efnahags- og viðskiptanefndar að hver og einn þingmaður hefur frelsi til að greiða atkvæði í þessu máli eins og honum sýnist. Það á við öll mál enda gerir stjórnarskráin ráð fyrir því. Einnig er rétt hjá formanninum að ekkert er í stjórnarsáttmálanum um aðild okkar að innviðafjárfestingabanka hinum megin á jörðinni. En formaður efnahags- og viðskiptanefndar verður að gera upp við sig hvort hann styðji ríkisstjórnina. Að greiða á móti einstökum liðum fjárlagafrumvarps eða að sitja hjá gengur ekki í stjórnarsamstarfi. Svo væri meiri bragur á því að ræða við fjármálaráðherra um afstöðu sína í stað þess að fara fram með þessum hætti á Fésbókarsíðu sinni, eins og formaður efnahags- og viðskiptanefndar gerði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 4 klukkutímum

Rafmynt Trump hækkar duglega í verði eftir að hann lofar matarboði fyrir stærstu fjárfesta

Rafmynt Trump hækkar duglega í verði eftir að hann lofar matarboði fyrir stærstu fjárfesta
433Sport
Fyrir 4 klukkutímum

Birti berbrjósta mynd stuttu eftir fréttir af fyrrum eiginmanninum – Sögð reyna að ná athygli hans enn á ný

Birti berbrjósta mynd stuttu eftir fréttir af fyrrum eiginmanninum – Sögð reyna að ná athygli hans enn á ný
433Sport
Fyrir 16 klukkutímum

Fer ekki neitt í sumar

Fer ekki neitt í sumar
433
Fyrir 16 klukkutímum

Höskuldur með dramatískt sigurmark Blika gegn grönnunum

Höskuldur með dramatískt sigurmark Blika gegn grönnunum
Fréttir
Fyrir 18 klukkutímum

Ofurhugi ætlar að synda hringinn í kringum Ísland – Ekki það erfiðasta sem hann hefur gert

Ofurhugi ætlar að synda hringinn í kringum Ísland – Ekki það erfiðasta sem hann hefur gert
433Sport
Fyrir 18 klukkutímum

Líklegast að meistararnir kaupi hann

Líklegast að meistararnir kaupi hann
433Sport
Fyrir 20 klukkutímum

Yfir 25 milljarðar á borðinu fyrir fjögur ár af vinnu

Yfir 25 milljarðar á borðinu fyrir fjögur ár af vinnu
Pressan
Fyrir 20 klukkutímum

Komst lífs af úr hættulegum aðstæðum og eignaðist kærustu í leiðinni

Komst lífs af úr hættulegum aðstæðum og eignaðist kærustu í leiðinni