fbpx
Föstudagur 04.apríl 2025
Leiðari

Svarthöfði: Reif ekki upp stráin

Ritstjórn DV
Laugardaginn 27. október 2018 19:00

Ekki missa af Helstu tíðindum dagsins í pósthólfið þitt

Lesa nánar

Vegna sögusagna sem ganga í bænum þá vill Svarthöfði gefa út eftirfarandi yfirlýsingu: Það var ekki Svarthöfði sem reif upp stráin við braggann í Nauthólsvík. Svarthöfði ber virðingu fyrir eignum almennings og er ekki skemmdarvargur. Þá telur Svarthöfði ekki með þegar hann braut rúðu þinghússins í búsáhaldabyltingunni. Heldur ekki þegar hann kveikti í Ikea-geitinni. Það voru sérstakar aðstæður.

Að því sögðu vill Svarthöfði einnig koma því á framfæri að braggamálið hefur tekið tilfinningalega mjög á Svarthöfða. Enginn hefur viljað taka ábyrgð á myrkraverkinu. Ekki Dóra Pírati, ekki Holu-Hjálmar, ekki Lóa Pind og allra síst Dagur Bergþóruson sem þykist vera veikur heima. Og hvar er Líf? Hefur einhver séð Líf síðan þetta mál kom upp?

Á meðan 101-liðið í borgarstjórn eys milljörðum í þessa braggavitleysu þá blæðir Breiðholtinu. Hér eru enn fjölmargar óyfirbyggðar strætisvagnabiðstöðvar og verðið í Breiðholtslauginni var hækkað í 980 krónur. Fólkið í Breiðholtinu er ekki að fara að slafra í sig snitsel í bragganum.

Steininn tók úr þegar fréttin um milljón króna stráin var birt. Frá Danmörku af öllum stöðum. Er þetta fólk búið að gleyma Kópavogsfundinum og maðkaða mjölinu? Fyrir Svarthöfða er það að sjá þessi dönsku strá flaksa um í vindinum líkt og að sjá Dannebrog við hún á Stjórnarráðinu.

Jú, Svarthöfði gekk þarna fram hjá til að skoða aðstæður og kippti nokkrum stráum upp. Var það ekki annað en eðlilegt viðbragð við því óréttlæti sem íbúar Breiðholts og annarra úthverfa hafa mátt þola í þessu máli. Svarthöfði var ekki að vinna neinum mein. Bestu og áhrifaríkustu mótmæli heimsins hafa verið algerlega blóðlaus, samanber Gandí og Mandela. Friðsamar aðgerðir eins og þessar hafa mestu áhrifin.

Komu svo fréttir af því að stráin við braggann væru svokallaður dúnmelur. Ágengur arfi sem kæfir og drepur allt í kring. Fannst Svarthöfða það þá samfélagsleg skylda sín að fjarlægja restina og gerði það eina nóttina með stunguskóflu. Ekki sem skemmdarverk heldur sem bjargræði fyrir náttúru Vatnsmýrarinnar og Öskjuhlíðarinnar. Munu komandi kynslóðir þakka Svarthöfða í framtíðinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 6 klukkutímum

„Mjög mikil óþægindi“ – Feneyjabúar ekki sammála um hvort brúðkaup Jeff Bezos eigi að fara fram í borginni

„Mjög mikil óþægindi“ – Feneyjabúar ekki sammála um hvort brúðkaup Jeff Bezos eigi að fara fram í borginni
Pressan
Fyrir 7 klukkutímum

Macron biður franska auðmenn að standa í lappirnar gegn Trump – „Við erum engir kjánar og við munum verja okkur“ 

Macron biður franska auðmenn að standa í lappirnar gegn Trump – „Við erum engir kjánar og við munum verja okkur“ 
433Sport
Fyrir 8 klukkutímum

Margir stjórnarmenn KSÍ hafa áhyggjur af veðmálum og brotum þeim tengdum

Margir stjórnarmenn KSÍ hafa áhyggjur af veðmálum og brotum þeim tengdum
Fréttir
Fyrir 8 klukkutímum

Hætti við ferðina vegna áreitis en fær ekki endurgreitt

Hætti við ferðina vegna áreitis en fær ekki endurgreitt
Fréttir
Fyrir 10 klukkutímum

Fundur um öryggis- og varnarmál Evrópu – Beint streymi

Fundur um öryggis- og varnarmál Evrópu – Beint streymi
433Sport
Fyrir 10 klukkutímum

Fjórir aðilar á Íslandi sýknaðir – Voru grunaðir um að hagræða úrslitum leiks síðasta sumar

Fjórir aðilar á Íslandi sýknaðir – Voru grunaðir um að hagræða úrslitum leiks síðasta sumar
Fréttir
Fyrir 11 klukkutímum

Reykjavíkurborg braut á fatlaðri konu – Látin bíða svara í nærri áratug

Reykjavíkurborg braut á fatlaðri konu – Látin bíða svara í nærri áratug
Fréttir
Fyrir 11 klukkutímum

Sauð upp úr á Strandgötu: Sakfelldur fyrir sérstaklega hættulega líkamsárás á Akureyri

Sauð upp úr á Strandgötu: Sakfelldur fyrir sérstaklega hættulega líkamsárás á Akureyri