Klukkan 05.47 varð jarðskjálfti af stærðinni 4,0 um 4 km NA af Gjögurtá. Nokkrum mínútum áður urðu þrír skjálftar af stærðinni 3,8, 3,7 og 3,5. Í tilkynningu frá Veðurstofunni kemur fram að tilkynningar hafi borist víða að af Norðurlandi um að skjálftarnir hafi fundist.
Rúmlega 30 minni skjálftar hafa fylgt í kjölfarið. Þetta er stærsti skjálftinn á svæðinu frá 8. ágúst en þá varð skjálfti upp á 4,6 um 11 NV af Gjögurtá.
Viðvarandi skjálftavirkni hefur verið á svæðinu frá því í júní og eru skjálftar næturinnar hluti af þeirri virkni.
