fbpx
Fimmtudagur 24.apríl 2025
Fréttir

Tanja Ýr selur Aliexpress glingur á uppsprengdu verði

Kristinn H. Guðnason
Föstudaginn 26. apríl 2019 15:00

Tanja Ýr. Skjáskot/Youtube.

Ekki missa af Helstu tíðindum dagsins í pósthólfið þitt

Lesa nánar

Tanja Ýr Ástþórsdóttir, sem kosin var Ungfrú Ísland árið 2013, auglýsir vörur frá skartgripanetverslun sem heitir Bossbabe.is. Á síðu Bossbabe kemur fram að síðan sé í eigu fyrirtækisins Social Kaktus ehf. Þar er auk þess símanúmer og netfang en engin nöfn eigenda.

Þegar að er gáð kemur í ljós að Tanja er sjálf eigandi Social Kaktus ehf. Hún á 50 prósenta hlut í fyrirtækinu en hin 50 prósentin á María Hólmgrímsdóttir. Tanja og María hafa áður starfað saman en árið 2016 stofnuðu þær umboðs- og auglýsingastofuna Eylenda.

Tanja er sjálf mjög vinsæl á samfélagsmiðlum og hefur til að mynda rúmlega 32 þúsund fylgjendur á Instagram síðu sinni.

Spennur í „gjöf“

Tanja kemur fram í fjölda auglýsinga frá Bossbabe.is en hvergi er að sjá að hún sé eigandi í fyrirtækinu og hafi því beinar tekjur af sölu varningsins. Í færslu á Instagram-reikningi hennar frá 2. apríl síðastliðnum birtir hún mynd af sér með spennur frá versluninni. Í færslunni segir:

„Fékk fallegar spennur í gjöf frá BossBabe og ákvað að sýna þér í IGTV.“

Tanja fékk sem sagt spennurnar í gjöf frá eigin fyrirtæki.

Við aðra mynd af Tönju með spennurnar svarar síðan Bossbabe.is sjálft:

„Spennurnar fara þér rosalega vel.“

DV hefur ekki vitneskju um hvort Tanja sjálf svaraði fyrir Bossbabe.is, María, meðeigandi hennar, eða unnusti Tönju, Egill Fannar Halldórsson. En símanúmerið á Bossbabe.is er skráð á fyrirtæki hans, Wake up Reykjavík sf.

Áttfaldur verðmunur

Á síðunni Bossbabe.is er að finna ýmiss konar skartgripi og glingur. Athygli vekur að sams konar skartgripi er hægt að finna á netverslunum erlendis, til dæmis kínverskum síðum á borð við Aliexpress. Það sem vekur einnig athygli er gríðarlegur verðmunur á vörunum.

Svo dæmi sé tekið er hægt að kaupa Woven Twist Hoops, silfurlitaða eyrnalokka á 2.490 krónur hjá Bossbabe.is. Nákvæmlega eins lokka er hægt að fá hjá búðinni Onekiss á Aliexpress á aðeins tæplega 2,5 dollara, 290 krónur á seðlagengi dagsins.

Munurinn á verðinu er því vel ríflega áttfaldur, sem verður að teljast ansi mikið í ljósi þess að á milli Íslands og Kína var undirritaður fríverslunarsamningur vorið 2013.

Neitaði að tjá sig

Þegar blaðamaður DV hringdi í Tönju til að spyrjast fyrir um málið var skellt á áður en hann náði að klára orðið Bossbabe.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Miklar breytingar framundan á fréttatímum RÚV

Miklar breytingar framundan á fréttatímum RÚV
Fréttir
Fyrir 21 klukkutímum

Hornfirðingar ósáttir við verslun Nettó á Höfn – „Þetta var ansi sorgleg búðarferð í dag“

Hornfirðingar ósáttir við verslun Nettó á Höfn – „Þetta var ansi sorgleg búðarferð í dag“
Fréttir
Í gær

Lögregla varar við svikum – „Textinn er áhugaverður svo ekki sé meira sagt“

Lögregla varar við svikum – „Textinn er áhugaverður svo ekki sé meira sagt“
Fréttir
Í gær

Pútín lætur reyna á NATÓ við finnsku landamærin

Pútín lætur reyna á NATÓ við finnsku landamærin
Fréttir
Í gær

Guðmundur fær ekki 670 þúsund krónur endurgreiddar sem svindlarar stálu af kreditkorti hans – „Óréttlætið hefur haft betur að mínu mati“

Guðmundur fær ekki 670 þúsund krónur endurgreiddar sem svindlarar stálu af kreditkorti hans – „Óréttlætið hefur haft betur að mínu mati“
Fréttir
Í gær

Íbúar og fyrirtæki í miðborginni hvött til að plokka á laugardag

Íbúar og fyrirtæki í miðborginni hvött til að plokka á laugardag
Fréttir
Í gær

Berfætt kona í kjól hneykslaði við Gljúfrabúa – „Þetta er svo mikil óvirðing gagnvart náttúrunni og öðru fólki“

Berfætt kona í kjól hneykslaði við Gljúfrabúa – „Þetta er svo mikil óvirðing gagnvart náttúrunni og öðru fólki“
Fréttir
Í gær

Svona notuðu svikarar Netflix til að hafa rúmar 300 þúsund krónur af óvarkárum Íslendingi

Svona notuðu svikarar Netflix til að hafa rúmar 300 þúsund krónur af óvarkárum Íslendingi