fbpx
Föstudagur 25.apríl 2025

Lúsmýið eirir engu

Svarthöfði
Sunnudaginn 16. júní 2019 14:30

Ekki missa af Helstu tíðindum dagsins í pósthólfið þitt

Lesa nánar

Ísland er óðfluga að breytast í einhvers konar suðræna paradís. Hitinn er svo mikill að sjálfsagt verður ekki langt í að pálmatré fari að spretta upp og græneðlur fari að sjást á gangstéttum. Landsmenn flykkjast út á land í sumarbústaði og í dagsferðir. En þá skellur ógæfan á. Lúsmýið gerir vart við sig.

Lúsmý er versta pest sem komið hefur til landsins. Engar reglugerðir eða tilmæli yfirdýralæknis gátu stöðvað komu þess fyrir nokkrum árum síðan. Ekki frekar en landnám spánarsnigilsins voðalega. Lúsmýið leggur undir sig heilu hreppana. Sem dæmi þá hefur Borgarfjörðurinn orðið að no-go svæði út af vargnum. Hækkandi hitastig er eina skýringin.

Lúsmýið eirir engu, hvorki poppstjörnum né öðrum. Tónlistarmaðurinn Bubbi Morthens varð fyrir árás, líka fjölmiðlakonan Hildur Helga Sigurðardóttir. Hinn geðþekki Kalli Tomm, trymbill Gildrunnar, lenti hvað verst í lúsmýinu. Hann var sundurbitinn, bólginn og átti erfitt með svefn út af árás við heimili sitt við Meðalfellsvatn.

Við Íslendingar þekkjum ekki að búa í nálægð við árásargjörn skorkvikindi. Ekki frekar en við þekkjum stríð, fellibylji eða að geta keypt bauk af bjór í stórverslun. Okkar innfæddu pöddur, þessar örfáu hræður sem búa hér, eru svo miklir aumingjar að þær geta varla angrað nokkurn mann. Það er helst bitmýið á Mývatni sem getur gert óskunda. En þá aðeins gegn aðkomufólki og túristum.

Erlendis þekkjast skordýr og áttfætlur sem eru langtum voveiflegri en lúsmýið sem Íslendingar emja nú undan. Kóngulær með banvænu eitri, ormar sem sýkja garnir, lifrur sem geta valdið andnauð, lýs sem geta valdið taugaskemmdum og býflugur sem geta drepið fólk með samhæfðum stungum. Listinn er endalaus. Í Afríku býr til dæmis kónguló sem staðdeyfir spendýr á nóttunni og étur síðan bita af kjöti á meðan fórnarlambið sefur rótt. Fólk hefur vaknað þar kinnalaust.

Til eru þeir sem fagna eilífu sumri. Fagna hröðum loftslagsbreytingum af mannavöldum og segja: Skítt með heiminn, við fáum betra veður! En Svarthöfði er ekki einn af þeim. Svarthöfði kann betur við sig í hefðbundnu íslensku sumri. Hálfskýjað, rigning hálfan daginn, hvasst hinn. Smá sólarglæta rétt á meðan grillað er og kalt á nóttunni. Þá sjást í mesta lagi ein og ein húsfluga á stangli og nokkrir ánamaðkar á stéttinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 3 klukkutímum

Móðir og fimm ára sonur numin á brott í kjölfar innbrots – Faðirinn faldi sig undir rúmi

Móðir og fimm ára sonur numin á brott í kjölfar innbrots – Faðirinn faldi sig undir rúmi
Eyjan
Fyrir 3 klukkutímum

Hörð átök Kaliforníu og Trump – Mikilvægir hlutir gerast baksviðs

Hörð átök Kaliforníu og Trump – Mikilvægir hlutir gerast baksviðs
EyjanFastir pennar
Fyrir 5 klukkutímum

Steinunn Ólína skrifar: Áminning á sumardaginn fyrsta

Steinunn Ólína skrifar: Áminning á sumardaginn fyrsta
Fréttir
Fyrir 8 klukkutímum

Skjöl varpa ljósi á áætlanir Pútíns

Skjöl varpa ljósi á áætlanir Pútíns
Pressan
Fyrir 15 klukkutímum

Hann var vingjarnlegi nágranninn í áratugi – Ákærður fyrir að stinga konu 17 sinnum

Hann var vingjarnlegi nágranninn í áratugi – Ákærður fyrir að stinga konu 17 sinnum
433Sport
Fyrir 15 klukkutímum

Búinn að hafna tveimur liðum eftir tilkynninguna – Mun kveðja í sumar

Búinn að hafna tveimur liðum eftir tilkynninguna – Mun kveðja í sumar
Fréttir
Fyrir 17 klukkutímum

Harma að fjölskyldan fái ekki skólaakstur fyrir börnin sín – Telja að Múlaþing brjóti á skuldbindingum sínum

Harma að fjölskyldan fái ekki skólaakstur fyrir börnin sín – Telja að Múlaþing brjóti á skuldbindingum sínum
433Sport
Fyrir 17 klukkutímum

Besta deildin: ÍBV með góðan sigur við slæmar aðstæður

Besta deildin: ÍBV með góðan sigur við slæmar aðstæður