fbpx
Föstudagur 04.apríl 2025

Fimm sem gætu tekið við sem biskup Íslands

Kristinn H. Guðnason
Sunnudaginn 2. september 2018 14:00

Davíð Þór Jónsson.

Ekki missa af Helstu tíðindum dagsins í pósthólfið þitt

Lesa nánar

Tveir forverar frú Agnesar Sigurðardóttur hafa hætt í kjölfarið á mikilli umræðu um kynferðisbrot innan kirkjunnar og hvernig tekið var á þeim málum. Herra Ólafur Skúlason eftir að nokkrar konur sökuðu hann um kynferðislega áreitni og herra Karl Sigurbjörnsson eftir mikla umræðu um hans meðferð á málum Ólafs. Nú er byrjað að hitna undir Agnesi og enn er ástæðan tengd kynferðisbrotum kirkjunnar manna. Samkvæmt heimildum DV er mikill kurr í prestastéttinni vegna meðhöndlunar hennar á máli séra Þóris Stephensen sem viðurkenndi kynferðisbrot gegn barni.

Davíð Þór Jónsson – Laugarneskirkja

Davíð Þór er öðruvísi prestur, svo vægt sé til orða tekið, og það er einmitt það sem þjóðkirkjan þarf á að halda ef hún ætlar að lifa 21. öldina af. Margir setja fortíð hans sem ritstjóra „klámblaðs“ fyrir sig en engum dylst að Davíð stendur á sínu og yrði óhræddur við að taka á óþægilegum málum.

Geir Waage – Reykholt

Geir verður seint sakaður um að vera sá frjálslyndasti innan kirkjunnar, til dæmis þegar kemur að málefnum samkynhneigðra. En Geir sýndi það, þegar mál Ólafs Skúlasonar kom upp, að hann hefur bein í nefinu. Herra Ólafur var nærri búinn að ráðast á Geir þegar hann neitaði að stinga ásökunum kvenna um kynferðisáreitni undir stól.

Toshki Toma – Prestur innflytjenda

Það yrði djarft að gera hinn japanska Toma að biskupi Íslands. Hann hefur aðra sýn á mál en flestir aðrir og hefur verið einn dyggasti baráttumaður kirkjunnar fyrir mannréttindum hælisleitenda. Með því að gera Toma að biskupi myndi þjóðkirkjan fá umtalsvert meiri samúð og slaka frá þeim hópi sem harðast hefur gagnrýnt hana.

Vigfús Bjarni Albertsson – Landspítalinn

Vigfús Bjarni er stjarna í prestastétt. Svo mikil eftirspurn er eftir Vigfúsi að 500 manns skrifuðu undir lista þar sem skorað var á hann að bjóða sig fram til forseta Íslands árið 2016. Tilkynnti hann í kjölfarið framboð sitt frammi fyrir húsfylli á Hótel Borg í kjölfarið. Um mánuði síðar dró hann framboðið hins vegar til baka.

Örn Bárður Jónsson – Noregur

Sá biskup sem nú situr og forveri hans hafa verið taldir frekar litlausar persónur og lítið herskáar. Í þeirra tíð hefur sóknarbörnum farið fækkandi, ár frá ári, sem sýnir okkur að vörn er ekki alltaf besta vörnin. Ef kirkjan vill snúa þessari þróun við væri kannski réttast að fá séra Örn Bárð til starfans. Allir vita að hann myndi láta sverfa til stáls, eins og hann sýndi þegar hann líkti samtökunum Vantrú við hryðjuverkasamtökin ISIS.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 3 klukkutímum

Ford Fantasy leikur Bestu deildarinnar er kominn í loftið

Ford Fantasy leikur Bestu deildarinnar er kominn í loftið
Fréttir
Fyrir 4 klukkutímum

Margir svikapóstar í gangi – Lögreglan varar við „screen-sharing“

Margir svikapóstar í gangi – Lögreglan varar við „screen-sharing“
Fréttir
Fyrir 6 klukkutímum

Deilurnar í Brákarey – Vildi skaðabætur vegna riftunar samnings í niðurníddu húsi

Deilurnar í Brákarey – Vildi skaðabætur vegna riftunar samnings í niðurníddu húsi
Eyjan
Fyrir 6 klukkutímum

Logi Einarsson: Munurinn á okkur og síðustu ríkisstjórn er að við erum samstiga og komum hlutunum í verk

Logi Einarsson: Munurinn á okkur og síðustu ríkisstjórn er að við erum samstiga og komum hlutunum í verk
Fókus
Fyrir 7 klukkutímum

Snædís Xyza: „Ég var alltaf hrædd að koma heim“

Snædís Xyza: „Ég var alltaf hrædd að koma heim“
433Sport
Fyrir 8 klukkutímum

Þarf að verða einn launahæsti leikmaður Arsenal ef hann á að koma

Þarf að verða einn launahæsti leikmaður Arsenal ef hann á að koma