Það var óvæntur aðili sem sló í gegn á sundkeppni Ólympíuleikanna í París í morgun. Stæltar sundstjörnurnar bliknuðu í samanburði við ónefndan starfsmann mótsins sem skyndilega sprangaði fram í keppnishöllina í þröngri en litríkri Speedo-sundskýlu.

Ástæðan var sú að sundkonan Emma Weber hafði misst sundhettu sína í lauginni þegar hún synti 100 metra bringusund sitt. Sundhettan truflaði næsta ráshóps sundsins og því þurfti að gera hlé á keppninni. Hinn ónefndi Speedo-maður birtist því skyndilega, tölti í rólegheitunum að sundlaugarbakkanum.

Kappinn, sem var frekar venjulegur vexti miðað við þá grísku guði sem sundkapparnir eru, vakti gríðarlega lukku og öskruðu áhorfendur af fögnuðu þegar kappinn stakk sér til sunds og náði í sundhettuna áðurnefndu. Svo tölti hin ónefnda stjarna rólega tilbaka á sinn stað, eflaust tilbúinn í næsta verkefni.