Myndband sem Tiago Miguel tók á Reykjanesbrautinni í gær sýnir furðurlegt háttalag ökumanns smájeppa. Ekki þarf að taka fram mikilvægi tillitssemi og varkárni í umferðinni en lítið fór fyrir henni í þessu tilviki, þar sem jeppinn ók í veg fyrir strætisvagninn er hann skipti um akrein og strætisvagninn hægði ekki á sér heldur fór utan í jeppann.

Tiago segir í spjalli við DV að hann telji rútan hafi farið heldur verr út úr árekstrinum en jeppinn. „Held það hafi skafið meira af hliðinni. Ég get ekki staðfest það en að rútan hafi síðan stoppað við Atlantsolíu á Sprengisandi en ökumaður jeppans gaf einfaldlega í og lét sig hverfa.“

Tiago telur einnig að strætisvagninn hafi við þetta strokist utan í vegrið vinstra megin. Hann er þó ekki viss.

Myndbandið var birt í Facebook-hópnum „Íslensk bílamyndbönd“ og vakti töluverðar umræður þar. Sumir sögðu óeðlilegt að rútur og strætisvagnar væru að notast við vinstri akrein sem er ætluð til framúraksturs. Aðrir sögðu það háttalag vera fráleitt að skipta rakleiðis um akrein um leið og stefnumerki er gefið í stað þess að kanna umferðina á akreinina sem beygt er á.

Árekstur