Samverustund verður haldin í Fjölbrautaskóla Norðurlands vestra á morgun vegna alvarlegs umferðarslyss sem varð í nágrenni Hofsóss á föstudagskvöld.

Fjórir ungir piltar slösuðust í slysinu og segir í frétt Morgunblaðsins í dag að tveir þeirra hafi verið útskrifaðir af gjörgæsludeild, en tveir séu þar áfram. Þrír piltanna eru nemendur við skólann og eru þeir allir á aldrinum 17 til 18 ára.

„Við ætl­um að bjóða fólki að koma sam­an og ræða mál­in enda eru marg­ir í áfalli og ekki síst öll ung­menn­in sem komu að slys­inu,“ seg­ir Þorkell Þorsteinsson, settur skólameistari Fjölbrautaskóla Norðurlands vestra, í samtali við Morgunblaðinu.

Sam­veru­stund­in fer fram í bók­náms­húsi skól­ans klukk­an 17 á þriðju­dag­ og eru all­ir vel­komn­ir.

Rannsókn á tildrögum slyssins stendur yfir hjá lögreglu og rannsóknarnefnd samgönguslysa og sagði Pétur Björnsson, yfirlögregluþjónn hjá lögreglunni á Norðurlandi vestra, í samtali við mbl.is í gær að hún muni taka einhverjar vikur.