Eins og svo margir er Gabi haldin þeim slæma ávana að naga neglurnar en það getur komið fólki í koll, enda sýkingarhætta talsverð þegar sár opnast á fingrunum.
Gabi fékk slæma sýkingu í fingurinn um tveimur dögum eftir að hafa nagað aðeins of mikið.
„Ég man að ég var að spila Twister með vinum mínum og ég gat ekki einu sinni sett höndina á dýnuna,“ rifjar hún upp í samtali við News.com.au.
Amoils ákvað að sjá til og athuga hvort sýkingin færi ekki, en allt kom fyrir ekki.
Fimm dögum síðar ákvað hún þó að fara til læknis þar sem sársaukinn í fingrinum var orðinn næstum því óbærilegur. Hún fékk sýklalyf til að berjast gegn sýkingunni en þrátt fyrir það hélt sýkingin áfram að versna. „Fingurinn tvöfaldaðist að stærð yfir helgina,“ segir hún.
Hún fór aftur til læknis og var henni þá ráðlagt að fara á bráðamóttökuna til að fá rétta meðhöndlun þar sem læknirinn hafði ekki nauðsynleg verkfæri hjá sér til að stinga á kýlið sem hafði myndast.
„Læknirinn þar stakk á kýlið og sagði að lyktin hefði verið viðbjóðsleg,“ segir Amoils. Hún er nú á góðum batavegi, mánuði eftir að sýkingin kom upp, en húðin á fingrinum sé enn að jafna sig.
Frásögn hennar má sjá hér að neðan.
@maccyandcheese Traumatising to say the least #er ♬ original sound – Mac and cheese
