Karlmaður hefur verið ákærður fyrir kynferðislega áreitni gegn 12 ára stúlku með því að hafa „ítrekað viðhaft kynferðislegt tal við A, kennitala […], sem þá var 12 ára gömul, og sent henni ítrekað myndir og myndbönd af berum kynfærum sínum, og […]“ eins og segir í ákæru.
Brotin áttu sér stað á tímabilinu 22. janúar 2024 til 19. febrúar 2024.
Teljast brot ákærða varða við 2. mgr. 202. gr. almennra hegningarlaga nr. 19/1940.
Aðalmeðferð í málinu fór fram í Héraðsdómi Reykjavíkur þann 4. febrúar og var þinghald lokað. Búast má við dómi næstu mánaðamót.
Þess er krafist að ákærði verði dæmdur til refsingar og til greiðslu alls sakarkostnaðar.
Móðir stúlkunnar krafðist þess fyrir hönd dóttur sinnar að ákærði verði dæmdur til að greiða stúlkunni miskabætur að fjárhæð 4.000.000 kr. . Þá er krafist málskostnaðar að mati dómsins eða samkvæmt síðar framlögðum reikningi, auk virðisaukaskatts á málskostnað.
