Landsréttur hefur staðfest dóm Héraðsdóms Suðurlands yfir manni fæddum árið 2002 fyrir nauðgun á ungri stúlku en atvikið átti sér stað á göngustíg á Selfossi.
Hinn sakfelldi heitir Sigmar Hjörtur Jónsson en atvikið átti sér stað á göngustíg nálægt heimili hans á Selfossi. Sigmar og stúlkan mæltu sér þar mót að nóttu í september árið 2021. Stúlkan ætlaði að fá hjá honum veipvökva og svokallaða viðnámsspólu í rafrettu. Skömmu eftir að þau hittust leið yfir stúlkuna.
Sigmar neitaði því að hafa hitt stúlkuna og sagðist hafa verið á heimili sínu alla nóttina. Hann kannaðist við að þekkja hana og sagði að þau hefðu verið í samskiptum á samfélagsmiðlum og rætt um að hann léti hana fá veipvökvann og viðnámsspóluna í vinnu daginn eftir, en þau voru vinnufélagar.
Stúlkan sagði hins vegar að þau hefðu hist og Sigmar hefði nauðgað sér á göngustígnum. Framburður beggja fyrir dómi var stöðugur og þótti trúverðugur en rannsókn á lífsýnum þykir sanna sekt Sigmars. Fannst lífsýni af honum í nærbuxum stúlkunnar.
Landsréttur staðfesti tveggja ára fangelsisdóm héraðsdóms yfir Sigmari. Hann er jafnframt dæmdur til að greiða stúlkunni tvær milljónir króna í miskabætur. Í niðurstöðu Landsréttar segir:
