Diljá Mist Einarsdóttir, þingmaður Sjálfstæðisflokksins, hefur átt samtöl við flokkssystkin sín til að kanna grundvöll fyrir framboð til formanns flokksins.

Þetta staðfestir Diljá í þætti Dagmála á vef mbl.is en fjallað er um efni viðtalsins í Morgunblaðinu í dag.

Nýr formaður Sjálfstæðisflokksins verður kjörinn á landsfundi flokksins í lok febrúar og hafa nokkrir Sjálfstæðismenn verið orðaðir við framboð. Má þar nefna Áslaugu Örnu Sigurbjörnsdóttur, Guðrúnu Hafsteinsdóttur, Þórdísi Kolbrúnu R. Gylfadóttur og Guðlaug Þór Þórðarson.

Diljá Mist segist ekki útiloka neitt og segist vera að máta sig við sína stuðningsmenn og fólk í flokknum.

„Ég hef þung­ar áhyggj­ur af stöðu flokks­ins og ef það er eft­ir­spurn eft­ir því að ég taki þátt í því verk­efni sem blas­ir við okk­ur, þá mun ég ekki láta mitt eft­ir liggja,“ seg­ir Diljá í þættinum sem ná nálgast hér.