fbpx
Miðvikudagur 02.apríl 2025
Fréttir

María Rut skammar fyrri ríkisstjórn – „Ákvörðunin þegar haft í för með sér afbókanir og fjárhagslegt tjón“

Kristinn H. Guðnason
Miðvikudaginn 22. janúar 2025 10:30

María Rut nýr þingmaður Viðreisnar í Norðvesturkjördæmi. Mynd/Viðreisn

Ekki missa af Helstu tíðindum dagsins í pósthólfið þitt

Lesa nánar

María Rut Kristinsdóttir, nýr þingmaður Viðreisnar í Norðvesturkjördæmi, skammar fyrri ríkisstjórn fyrir slæma stjórnsýslu þegar hún setti hátt innviðagjald á skemmtiferðaskip. Það sé ekki vönduð stjórnsýsla að keyra slík mál í gegn án fyrirvara eða samráðs við greinina.

María Rut skrifar um þetta í grein í Morgunblaðinu í dag. Tilefnið var viðbrögð fólks úr ferðaþjónustunni sem hún ræddi við á Mannamóti markaðsstofu landshlutanna, sem er hluti af hinni árlegu Ferðaþjónustuviku.

Afbókanir og tjón

Hún segist hafa fundið fyrir miklum áhuga fólks á að ræða við hana um stöðu greinarinnar og mikilvægi þess að byggja enn frekar undir hana. Sérstaklega þegar komi að fyrirsjáanleika og gagnsæi ákvarðana.

„Þar nefndu margir við mig hversu illa kveðjugjöf síðustu ríkisstjórnar hafi komið við greinina þegar ákveðið var í flýti að skella innviðagjaldi á skemmtiferðaskip,“ segir María Rut. Það er ákvörðun sem keyrð var í gegn við afgreiðslu fjárlaga í október. „Það var ekki endilega það að tekin hafi verið ákvörðun um gjaldtöku sem stóð í fólki. Heldur óðagotið og asinn. Enda hefur ákvörðunin þegar haft í för með sér afbókanir og fjárhagslegt tjón. Sérstaklega í smærri sveitarfélögum eins og Vesturbyggð, Árneshreppi og í Grundarfirði. Sömu raddir heyrast nú frá Djúpavogi, Grenivík, Höfn, Seyðisfirði og víðar.“

5 þúsund kall á hverja nótt

Þessu innviðagjaldi hafi verið ætlað að jafna samkeppnisstöðu fyrirtækja í ferðaþjónustu. En gjaldið er 2.500 krónur á nótt á hvern farþega. Í landi er gjaldið hins vegar aðeins 800 krónur á hvert herbergi. Hjón greiði því 5.000 krónur fyrir nóttina í skemmtiferðaskipi en langtum minna sé gist í landi.

„Burtséð frá því hvað okkur kann að finnast um slíkar gjaldtökur þá er í mínum huga alveg skýrt að það er ekki vönduð stjórnsýsla að keyra slík mál í gegn án fyrirvara eða samráðs,“ segir María Rut. „Tala nú ekki um þegar um er að ræða atvinnustarfsemi sem reiðir sig á verðskrár og bókanir langt fram í tímann.“

Fyrir landsbyggðina skipti öllu máli að vera með fleiri egg í körfunni þegar komi að atvinnuuppbyggingu. Þar skipti ferðaþjónusta og menningartengd starfsemi lykilhlutverki.

„Stjórnvöld eiga að vinna með greininni að þeirri uppbyggingu, en ekki bregða fyrir hana fæti í einhverju óðagoti,“ segir hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 7 klukkutímum

Skefur ekki utan af hlutunum – „Við getum ekki treyst Bandaríkjunum“

Skefur ekki utan af hlutunum – „Við getum ekki treyst Bandaríkjunum“
Fréttir
Fyrir 11 klukkutímum

Er tollastríð Trump bara byrjunin á stórri áætlun? – Mar-a-Lago-áætlunin

Er tollastríð Trump bara byrjunin á stórri áætlun? – Mar-a-Lago-áætlunin
Fréttir
Fyrir 19 klukkutímum

Starfsmenn Morgunblaðsins létu vaða á súðum á bjórkvöldi – Sögðu Guðmund Inga varla læsan og líktu Ásthildi Lóu við frægan eltihrelli

Starfsmenn Morgunblaðsins létu vaða á súðum á bjórkvöldi – Sögðu Guðmund Inga varla læsan og líktu Ásthildi Lóu við frægan eltihrelli
Fréttir
Fyrir 20 klukkutímum

Hermann segir haugalygi að hann hafi ógnað björgunarsveitarfólki með byssu – „Ég gerði ekkert rangt“

Hermann segir haugalygi að hann hafi ógnað björgunarsveitarfólki með byssu – „Ég gerði ekkert rangt“
Fréttir
Í gær

Jón Þór í kjölfar byssuógnar í Grindavík – „Við hlúum að okkar fólki“

Jón Þór í kjölfar byssuógnar í Grindavík – „Við hlúum að okkar fólki“
Fréttir
Í gær

Óttast að kvika flæði í sprungum undir Grindavík og komi upp þar

Óttast að kvika flæði í sprungum undir Grindavík og komi upp þar