Töluverður erill var hjá lögreglu í nótt og eru fangageymslur fullar á Hverfisgötu og Suðurnesjum. Einnig eru menn vistaði í fangageymslum á Akranesi.
Þetta kemur fram í dagbók lögreglu. Þar segir einnig frá því að tilkynnt hafi verið um hópslagsmál í miðborginni. Tveir voru slasaðir eftir átökin og var nokkur fjöldi manna handtekinn í þágu rannsóknar málsins.
Tilkynnt var um ölvaðan einstakling á skemmtistað í austurborginni, en hann braut þar rúðu. Var hann handtekinn skammt frá vettvangi og vistaður í fangageymslu uns ástand hans skánar.
Tilkynnt var um hunda lokaða í bíl í Kópavogi.
Tilkynnt var um grunsamlegar mannaferðir í hverfi 110. Var maður handtekinn en honum sleppt að loknum viðræðum.
