Í kjölfar þess að Bandaríkin stöðvuðu sendingar á hergögnum til Úkraínu, er meiri þörf en áður fyrir Evrópuríki að skoða hvað þau þurfa að gera til að geta sjálf séð um varnir sínar.

Þetta er mat Christine Nissen, aðalgreinanda hjá hugveitunni Europa, en hún hefur skoðað hvað Evrópuríkin vantar til að geta sjálf varist árásum frá ríkjum á borð við Rússland.

Hún tekur undir mat hugveitunnar Bruegel sem segir að fjölga verði hermönnum í álfunni um 300.000 og bæta við 35.000 brynvörðum ökutækjum af öllum tegundum. Þess utan þurfi að styrkja stórskotaliðsgetuna gríðarlega mikið.

Það liggur í augum uppi að það er ekki ókeypis að gera þetta. Nissen sagði að Evrópuríkin þurfi að auka útgjöld til varnarmála um 250 milljarða evra. „Það er engin vafi á að það verður mjög erfitt að gera þetta en það er heldur engin vafi á að sú staða sem Evrópa er í varðandi Bandaríkin, kallar á mikla aukningu útgjalda,“ sagði hún.

Tilkynnt var í gærkvöldi að Bandaríkin muni umsvifalaust hefja afhendingu á hergögnum til Úkraínu og einnig byrja á nýjan leik að veita Úkraínu upplýsingar frá leyniþjónustustofnunum sínum.