Sex eru í haldi lögreglunnar vegna andláts karlmanns snemma í morgun. Áverkar á hinum látna benda til þess að andlátið hafi borið að með saknæmum hætti.

Sjá einnig: Manndrápsmálið:Hinn látni var karlmaður á sextugsaldri – Líkið fannst í Gufuneskirkjugarði

Í tilkynningu frá lögreglunni fyrr í dag kom fram fimm væru í haldi lögreglunnar vegna málsins.

Sá sjötti var handtekinn í aðgerðum lögreglunnar í Kópavogi síðdegis eftir umfangsmikla eftirför í Kópavogi og Garðabæ. Af­skipti voru höfð af bíl við um­ferðareft­ir­lit í Linda­hverfi, en stöðvun­ar­merkj­um lög­reglu var ekki sinnt svo lög­regla hóf eft­ir­för.

Eft­ir­för­inni lauk við Hrauntungu. Tveir einstaklingar voru í bílnum og hlupu á brott undan lögreglu. Karlmaður var handtekinn, en leitað er að konunni sem var í bílnum.

Sérsveitin er komin til aðstoðar við lögregluna í Kópavogi.

Vísir greinir frá að fréttastofu hafi borist ábendingar um lögregluaðgerð við Víghólastíg í Kópavogi.

Uppfært kl. 19.14

RÚV segir hin handteknu vera ungmenni en yfir 18 ára aldri.