„Að draga Bandaríkin út úr NATÓ myndu vera mistök af svakalegri stærðargráðu,“ skrifaði James G. Stavridis, nýlega í grein sem Bloomberg birti.
Hann hefur heyrt marga áhrifamikla Repúblikana tala um að Bandaríkin muni segja skilið við NATÓ og það telur hann allt annað en góða hugmynd sem og margt annað sem Trump og stjórn hans eru að gera.
„Ákvörðun Bandaríkjanna um að greiða atkvæði gegn ályktun Sameinuðu þjóðanna, sem fordæmdi innrás Rússa í Úkraínu, ásamt Rússlandi og Norður-Kóreu, var sönnun fyrir minni samstöðu NATÓ en áður,“ skrifaði hann einnig.
Hann sagðist vonast til að samstarfið á milli Evrópu og Bandaríkjanna muni ekki hrynja algjörlega til grunna en hann heyri braka og bresta í því. Ef það hrynji til grunna, þá muni það aðeins hafa slæm áhrif beggja megin Atlantshafs.
