fbpx
Föstudagur 04.apríl 2025
Fréttir

Kærðu „hrópandi stílbrot“ í miðborginni en skorti umboð

Jakob Snævar Ólafsson
Þriðjudaginn 25. febrúar 2025 19:00

Miðborg Reykjavíkur hefur tekið nokkrum breytingum frá tíunda áratug síðustu aldar. Í þá daga söfnuðust unglingar þar saman í þúsundatali um hverja helgi og þá grasseraði ofbeldi og önnur afbrot. Eins og í dag voru miklar áhyggjur af vaxandi ofbeldi og agaleysi meðal þessa aldurshóps.

Ekki missa af Helstu tíðindum dagsins í pósthólfið þitt

Lesa nánar

Úrskurðarnefnd umhverfis- og auðlindamála hefur vísað frá kæru sem lögð var fram í nafni húsfélags fjölbýlishúss í miðborg Reykjavíkur. Kærð var sú ákvörðun Reykjavíkurborgar að aðhafast ekkert vegna útlitsbreytinga á gluggum einnar íbúðar í húsinu. Höfðu einstaklingarnir tveir sem lögðu fram kæruna fyrir hönd húsfélagsins hins vegar ekkert umboð til að leggja hana fram.

Í kærunni kom fram að eigandi einnar íbúðar í húsinu hafi endurnýjað alla glugga í sinni íbúð án samráðs við húsfélagið þannig að útlit þeirra varð annað en annarra glugga í húsinu. Kærendurnir sögðu stílbrotið hrópandi og augljóst öllum vegfarendum. Gluggarnir væru öðruvísi, t.d. væru færri rúður í hverjum glugga, sem væru verulegur munur. Vildu kærendur meina að þetta væri lýti á yfirbragði hússins og leiddi til lægra söluverðs fasteigna svo áhrifin væru bæði byggingarfræðilegs og fjárhagslegs eðlis.

Kærendur í málinu voru tveir eigendur íbúða í húsinu en lögðu þeir hana fram í nafni húsfélagsins. Reykjavíkurborg benti á að húsfélagið væri sannarlega skráð í fyrirtækjaskrá en enginn prókúruhafi væri tilgreindur. Umræddir eigendur gætu því ekki lagt kæruna fram með þessum hætti án þess að hafa til þess umboð í samræmi við lög um fjöleignarhús. Lögin kveði einnig á um að kæru sem þessa þurfi að samþykkja af eigendum í húsinu á þar til gerðum húsfundi.

Framvísuðu ekki staðfestingu

Reykjavíkurborg vildi einnig meina að ákvörðun byggingarfulltrúa um að ekkert skyldi aðhafst vegna glugganna, þar sem ekki væri um að ræða verulega útlitsbreytingu, hafi verið studd efnislegri og málefnalegri skoðun og rökum. Vildi borgin meina eð breytingin skerði ekki hagsmuni nágranna, breyti hvorki né hafi áhrif á götumynd og raski ekki heldur öryggis- og almannahagsmunum. Ekki sé því um verulega breytingu að ræða. Borgin tók ekki undir það að þessi framkvæmd gæti falið í sér lækkun á fasteignaverði eignarinnar og kærendur hafi ekki sýnt fram á tjón.

Í úrskurðinum er sérstaklega tekið fram að kærendunum tveimur hafi verið bent á að afla staðfestingar á því að þeir hefðu umboð til að leggja fram kæru fyrir hönd húsfélagsins. Hafi þeim verið bent á þetta um leið og tekið var á móti kærunni og þeim veittur mánaðarfrestur til að útvega staðfestinguna. Hún hafi hins vegar aldrei borist.

Segir í niðurstöðu nefndarinnar að húsfélagið sé sannarlega skráð með lögformlegum hætto. Jafnframt liggi fyrir að kærendurnir séu eigendur íbúða í umræddu húsi. Það liggi aftur á móti ekki fyrir neinar upplýsingar um að þeir séu stjórnarmenn í húsfélaginu eða að þeir hafi umboð félagsins til að leggja fram kæruna í nafni þess. Með því að ekki sé ljóst að kæran stafi með lögformlegum hætti frá uppgefnum kæranda verði að vísa henni frá.

Hvort þessi niðurstaða þýðir að deilan um nýju gluggana á húsinu sé til lykta leidd skal hins vegar ósagt látið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 14 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú