Lögreglan var þá nýkomin heim til hans til að gera húsleit vegna meints stuðnings hans við Úkraínu. Var hann sagður hafa gefið úkraínska hernum peninga. Úkraínski herinn er skilgreindur sem hryðjuverkasamtök í Rússlandi og stuðningur við hann getur kostað fólk allt að 20 ár í fangelsi.
Mirror segir að samkvæmt fréttum rússneskra fjölmiðla hafi hann „dottið út um glugga“ í tengslum við húsleitina.
Sá grunur hefur læðst að sumum að hann hafi hugsanlega „fengið aðstoð“ við að „detta út um gluggann“ en það er ansi algengt að andstæðingar Pútíns „detti út um glugga“.
Stroykin hafði birt nokkrar færslur á samfélagsmiðlum þar sem hann gagnrýndi stríðsrekstur Rússa í Úkraínu og hann hafði einnig kallað Pútín ýmsum illum nöfnum.
