Vélin var að koma inn til lendingar á flugvellinum þegar slysið varð og endaði flugvélin í Potomac-ánni. Slysið varð klukkan 21 í gærkvöldi að staðartíma, eða klukkan tvö í nótt að íslenskum tíma.
Yfirvöld hafa þegar fundið átján látna og hefur enn sem komið er enginn fundist á lífi. Kafarar eru að störfum í ánni sem er ísköld á þessum árstíma.
Vélin var að koma frá Wichita í Kansas þegar áreksturinn varð en sem fyrr segir voru 64 um borð, 60 farþegar og fjögurra manna áhöfn. Í þyrlunni voru þrír um borð en um var að ræða svokallaða Black Hawk-þyrlu sem var í æfingaflugi.
Rannsókn á tildrögum slyssins stendur yfir og hafa yfirvöld enn sem komið er ekki tjáð sig um hvað það var sem fór úrskeiðis. Hér að neðan má sjá myndband sem Mail Online birti og sýnir áreksturinn.
