Maður á Suðurlandi hefur verið ákærður fyrir nauðgun vegna atviks sem átti sér stað aðfaranótt sunnudagsins 26. nóvember árið 2023.
Maðurinn er sagður hafa haft samræði og önnur kynferðismörk við konu án hennar samþykkis með því að beita hana ólögmætri nauðung og notfæra sér yfirburði sína vegna aðstöðumunar og að konan hefði enga burði haft til að veita samþykki sitt og hafi ekki getað spornað við verknaðinum vegna ölvunar.
„…ákærði sleikti brjóst hennar og kynfæri, setti fingur í leggöng hennar, lét hana hafa munnmök við sig og hafði við hana samræði,“ segir í ákærunni.
Fyrirtaka í málinu verður þann 13. febrúar næstkomandi, við Héraðsdóm Suðurlands á Selfossi. Verða þá lögð fram gögn í málinu en aðalmeðferð verður síðar.
