Netöryggisfyrirtækið Syndis hefur hafið sókn á sænska markaðinn. Sænskir fjölmiðlar hafa meðal annars fjallað um málið í nú í vikunni.

Syndis réð á síðasta ári sænska netöryggissérfræðinginn og hakkarann David Jacoby til að stýra sókn fyrirtækisins í Svíþjóð en hann hefur yfir 25 ára reynslu í netöryggismálum. Dav­id Jacoby er þekkt­ur í Svíþjóð en nálg­un hans á netör­yggi hef­ur m.a. verið sýnd í sænska sjón­varpsþætt­in­um HACKAD. Þar voru raun­veru­leg­ar árás­ir fram­kvæmd­ar í beinni út­send­ingu. Hann er einnig vel þekkt­ur fyr­ir­les­ari og tek­ur reglu­lega þátt í ráðstefn­um um all­an heim. 

„Við erum að styrkja stöðu okk­ar á nýj­um mörkuðum og auka enn frekar vöxt fyrirtækisins. Sókn inn á sænska markaðinn er fyrsta skrefið í þessari útrás okkar erlendis. Þekking og þjónusta Syndis er af hæstu gæðum á alþjóðavísu og mætir vel vaxandi þörf margra sænskra fyrirtækja. Við sjáum því gott tækifæri til að styðja sænsk fyrirtæki í að bæta sitt netöryggi.  Þörfin fyrir sterkar og áreiðanlegar lausnir hefur aldrei verið meiri, og við erum spennt að deila sérþekkingu okkar á þessum mikilvæga markaði. 

Á sama tíma er það er gríðarlega sterkt fyrir okkur að hafa fengið David Jacoby til liðs við Syndis. Hann er í grunn­inn hakk­ari og hef­ur því djúpa þekk­ingu á netárás­um, bæði hvernig þær fara fram og hvernig best er að verj­ast þeim,“ segir Anton Már Egilsson forstjóri Syndis.

Syndis leggur áherslu á gæða þjónustu, háþróaða tækni og framúrskarandi teymi sérfræðinga til að styðja fyrirtæki í að verja sig gegn vaxandi netógnum, eins og kemur fram í tilkynningu.