Þetta sagði Donald Trump eitt sinn og vöktu ummælin mikla reiði margra enda erfitt að sjá að hér sé virðing fyrir konum í hávegum höfð.
Þessi ummæli og tilnefning hans á þremur íhaldssömum hæstaréttardómurum, sem skiptu sköpum þegar hæstiréttur nam úr gildi réttindi kvenna til þungunarrofs, hafa orðið til þess að margir hafa gagnrýnt viðhorf Trump til kvenna.
En það er engin ástæða til þess eftir því sem Lara Trump, sem er gift Eric Trump syni forsetans verðandi, segir. „Þetta er maður sem er umhugað um konur,“ sagði hún í samtali við The New York Post og bætti við: „Donald Trump hjálpaði mér að ná svona langt. Hann berst stöðugt fyrir þær konur sem standa honum nærri.“
Hún benti síðan á konur á borð við Susie Wiles, starfsmannastjóra, og Karoline Leavitt, fjölmiðlafulltrúa.
Samkvæmt því sem Lara sagði, þá skiptir það Trump engu máli, hvers kyns fólk er, það eru bara hæfileikar þess sem gilda í hans augum.
