„Ég lenti í skondnu at­viki eða kannski ekki,“ segir Ragnheiður Hrefna Gunnarsdóttir í aðsendri grein í Morgunblaðinu í dag. Ragnheiður, sem var neðarlega á lista Flokks fólksins, í kosningunum á liðnu ári, skrifar þar um húsnæðismarkaðinn hér á landi.

Ragnheiður er búsett í gömlu einbýlishúsi í Kópavogi sem kostar sitt að eiga og nefnir hún til dæmis afborganir af lánum og fasteignagjöld. Þá er hún með framkvæmdalán vegna viðgerða á frárennslislögnum og þaki og nefnir svo einnig ýmsan annan kostnað sem fylgir því að eiga hús.

„En hvað með það, ég er bara eldri borg­ari, fæ ekki hækk­un á bót­un­um mín­um miðað við hækk­un á vöxt­um. Þegar ég er búin að borga skuld­irn­ar okk­ar hjón­anna eig­um við um hundrað þúsund krón­ur til að lifa út mánuðinn. Þá eig­um við eft­ir að borga lyfja- og lækn­is­kostnað eins og marg­ir eldri borg­ar­ar þurfa að gera. Nú eru góð ráð dýr. Eig­um við að fara að minnka við okk­ur og kaupa litla sæta íbúð í blokk,“ spyr hún og rifjar svo upp atvikið sem hún vísar til hér fremst.

„Við hjón­in erum búin að skoða nokkr­ar íbúðir í Smár­an­um í nokk­ur ár. Yf­ir­leitt eru þær of dýr­ar fyr­ir okk­ur miðað við verð sem við fáum fyr­ir húsið okk­ar eða þær selj­ast upp. Loks­ins sá ég íbúð sem okk­ur líkaði og faseignasalinn seldi okk­ur hana á staðnum. Það var bara eft­ir að gera til­boð, þetta var á föstu­degi, við ætluðum að gera til­boð á mánu­degi. Þegar við fór­um til að ganga frá þessu hafði ann­ar fast­eigna­sali selt íbúðina og hverj­um haldið þið? Fjár­festi! Hann keypti all­ar átta íbúðirn­ar sem eft­ir voru á þess­um stað í Smár­an­um, til að leigja.“

Ragnheiður segir að nú séu þau hjónin búin að tala við annan fasteignasala um svansvottaða íbúð á Digranesvegi sem myndi henta henni vel, enda með astma, mæði og fleira. En eins og hún nefnir er að mörgu að hyggja þegar farið er í fasteignakaup. „Hvað kost­ar svona íbúð, hef ég efni á henni? Ég vil helst kaupa á þess­um slóðum til að geta kom­ist í fé­lags­miðstöðvarn­ar í Gullsmára og Gjá­bakka. Stutt í Smáralind og heilsu­gæsl­una. Ég er búin að búa á þess­um slóðum yfir 40 ár. Því að breyta núna? Gott að búa í Kópa­vogi.“

Ragnheiður kveðst vongóð um að bjartari tímar séu fram undan með nýrri ríkisstjórn þar sem hennar kona, Inga Sæland, kemur til með að leika stórt hlutverk ásamt Kristrúnu Frostadóttur og Þorgerði Katrínu Gunnarsdóttur. Á hún von á því að hart verði sótt að þeim en vonar að ríkisstjórnin geri líf hinna efnaminni bærilegra. „Núna fer von­andi allt að breyt­ast á betri veg fyr­ir okk­ur sem vöðum ekki í pen­ing­um.“