Ríkisstörfum hefur fjölgað umfram mannfjölda á undanförnum árum. Fjölgunin hefur verið mun meiri á landsbyggðinni en á höfuðborgarsvæðinu.
Fjársýsla ríkisins birtir upplýsingar um fjölda ríkisstarfsmanna, eftir stofnunum og ráðuneytum. Þar sést að ríkisstörfum fjölgaði úr 20.039 í 23.132 árin 2017 til 2023, eða um 15,4 prósent. Á sama tíma fjölgaði Íslendingum aðeins um 12,8 prósent. Hér eru útreikningar í stöðugildum.
Þessi fjölgun er að töluverðu leyti tilkomin vegna fjölgunar starfa á landsbyggðinni. Sést það í mörgum málaflokkum. Til að mynda í heilbrigðismálunum.
Landspítalinn er fjölmennasti vinnustaður landsins og á þessu sjö ára tímabili fjölgaði starfsfólki þar um 900, það er úr 4069 í 4969. Það er um 22,1 prósent. Á sama tíma fjölgaði opinberu heilbrigðisstarfsfólki á landsbyggðinni hlutfallslega mun meira. Það er um 36,8 prósent á sex heilbrigðisstofnunum sem og Sjúkrahúsinu á Akureyri. Hafa ber þó í huga að fjölgunin hjá Heilsugæslunni á höfuðborgarsvæðinu var mjög svipuð og hjá heilbrigðisstofnunum á landsbyggðinni.
Ríkið rekur framhaldsskóla landsins og þar fjölgaði starfsfólki ekki mikið, það er úr 1641 í 1711 eða um aðeins 4,3 prósent, vel undir fjölgun íbúa. Munurinn á landsbyggðinni og höfuðborgarsvæðinu er hins vegar mjög mikill. Starfsfólki lá landsbyggðinni fjölgaði um 9,9 prósent en á höfuðborgarsvæðinu var fækkun um 0,2 prósent.
Sem dæmi má nefna að í Fjölbrautaskóla Suðurlands fjölgaði starfsfólki um 36,3 prósent en í Flensborg og MR var fækkun í kringum 6,5 prósent og í MH var fækkunin 10,8 prósent.
Lögregluembættin hafa um árabil kvartað undan manneklu og ríkið hefur brugðist við því með því að fjölga lögreglumönnum. Hins vegar hefur fjölgunin verið langtum meiri hjá lögregluembættunum á landsbyggðinni en á höfuðborgarsvæðinu.
Árið 2017 störfuðu 368 hjá átta lögregluembættum á landsbyggðinni en árið 2023 voru þeir orðnir 524. Fjölgun um 42,4 prósent. Hjá Lögreglunni á Suðurnesjum var fjölgað um 61 starfsmenn.
Á sama tíma var aðeins fjölgað um 44 hjá Lögreglunni á höfuðborgarsvæðinu, langstærsta embættinu. Hlutfallslega var fjölgunin þar aðeins 12,1 prósent. Hafa ber í huga að mesta fjölgunin var hins vegar hjá Ríkislögreglustjóra, það er 89,2 prósent.
Starfsfólki sýslumannsembættanna var í heildina mjög stöðugur, aðeins fækkun um einn starfsmann. Þegar tölurnar eru hins vegar greindar eftir embættum sést að á landsbyggðinni var fjölgað um 3,4 prósent en á höfuðborgarsvæðinu fækkað um 6,4 prósent.
Fjölgun hjá öðrum ríkisstofnunum er mjög mismikil og í sumum tilfellum hefur orðið fækkun. Á meðal þeirra ríkisstofnana sem hefur orðið töluverð fjölgun og hafa fleiri en 10 starfsmenn má nefna Umbru (350 prósent), Persónuvernd (257), Vinnumálastofnun (67,4), Ríkissaksóknara (63,6), Vatnajökulsþjóðgarð (44,4), Þjóðskjalasafn (43,3), Ferðamálastofu (41,2) og Árnastofnun (36,8).
Fjölgun starfsfólks hefur verið rífleg í háskólunum, það er 28,9 prósent í Háskóla Íslands og 33,5 prósent í Háskólanum á Akureyri. Umsækjendur um alþjóðlega vernd hafa mikið verið í deiglunni undanfarin ár og þeim sem starfa við það hefur fjölgað um 51,6 prósent. Einnig hefur orðið allmikil fjölgun hjá Landgræðslunni (29,4 prósent), Umhverfisstofnun (26), Landhelgisgæslunni (24,7), Fangelsismálastofnun (24) og Vegagerðinni (20).
Í sumum tilfellum er um að ræða sameiningar stofnana. Til dæmis hjá Skattinum þar sem fjölgunin er 206 prósent, en skýrist af sameiningu við embætti Tollstjóra og Skattrannsóknarstjóra. Hjá Framkvæmdasýslunni er fjölgunin 453 prósent, en hún var sameinuð Ríkiseignum.
Á meðal þeirra ríkisstofnana þar sem starfsfólki hefur fækkað má nefna Þjóðskrá (-49,5 prósent), Þjóðgarðinn á Þingvöllum (-43,2), Neytendastofu (-37,5), Samskiptamiðstöð heyrnarlausra (-25) og Menntamálastofnun (-11,5). Þá hefur starfsfólki sendiráðanna fækkað samanlagt um 17,4 prósent.
Skatturinn 458
Vegagerðin 365
Landhelgisgæslan 237
Vinnumálastofnun 216
Alþingi 209
Hafrannsóknarstofnun 182
Fangelsismálastofnun 155
Húsnæðis- og mannvirkjastofnun 149
Veðurstofan 144
Barna og fjölskyldustofa 141
Samgöngustofa 148
Sjúkratryggingar 125
Umhverfisstofnun 121
Hagstofan 111
Matvælastofnun 101
Tryggingastofnun 101
Þjóðleikhúsið 99
Sinfóníuhljómsveit Íslands 94
Héraðsdómstólar 91
Fjársýslan 80
Framkvæmdasýslan 77
Lyfjastofnun 74
Landsbókasafn 69
Héraðssaksóknari 68
Landlæknir 67
Landgræðslan 66
Skógræktin 63
Ráðgjafar og greiningarstöð 58
Vinnueftirlitið 57
Þjóðskrá 56
Útlendingastofnun 56
Umbra 56
Fiskistofa 55
Árnastofnun 52
Náttúrufræðistofnun 50
Þjóðminjasafn 47
Menntamálastofnun 46
Fjarskiptastofa 46
Tilraunastöð á Keldum 45
Þjóðskjalasafn 43
Ríkisendurskoðun 42
Orkustofnun 37
Landsréttur 32
Ríkiskaup 31
Lánasjóður íslenskra námsmanna 30
Samkeppniseftirlitið 28
Ferðamálastofa 24
Skipulagsstofnun 24
Landmælingar 23
Listasafn Íslands 23
Minjastofnun 21
Persónuvernd 18
Ríkissaksóknari 18
Umboðsmaður Alþingis 17
Hæstiréttur 13
Embætti forseta Íslands 11
Geislavarnir ríkisins 10
Neytendastofa 10
Fjölmiðlanefnd 6
Bankasýslan 2
Verkmenntaskólinn á Akureyri 135
Fjölbrautaskóli Suðurlands 124
Fjölbrautaskólinn í Breiðholti 124
Borgarholtsskóli 113
Fjölbrautarskólinn við Ármúla 107
Mennaskólinn í Kópavogi 100
Fjölbrautaskóli Suðurnesja 91
Menntaskólinn í Hamrahlíð 91
Menntaskólinn í Reykjavík 75
Flensborgarskólinn 71
Höfuðborgarsvæðið 407
Ríkislögreglustjóri 246
Suðurnes 205
Suðurland 82
Norðurland eystra 80
Vesturland 48
Austurland 38
Vestfirðir 29
Norðurland vestra 26
Vestmannaeyjar 16
Landspítali 4969
Heilsugæslan á höfuðborgarsvæðinu 701
Sjúkrahúsið á Akureyri 613
Suðurland 541
Norðurland 468
Austurland 319
Vesturland 313
Suðurnes 252
Vestfirðir 196
