Um helgina var vakin athygli á því í íbúahópi á Facebook að eldri borgari á áttræðisaldri hefði lent í hremmingum í verslun Bónus í Skeifunni. Hefði maðurinn mætt rétt fyrir lokun í verslunina klukkan 20, en öryggisverði fara heim á slaginu kl. 20, svo enginn öryggisvörður var til staðar. Segir sá sem færsluna ritar að krakkagengi hafi gert sér grein fyrir því, mætt í búðina um sama leyti og verið í eltingarleikjum í búðinni.
„Nýlega lenti eldri borgari á áttræðisaldri í 12-14 ára krakkagengi í Bónus. Einn piltur veittist að gamla manninum með nokkurs konar Jó-Jó sem hann lét ganga á miklum hraða beggja vegna mannsins, og króaði hann þannig af.“
Segir að maðurinn hafi kvartað við vaktstjórann, ungling af asíu uppruna, en hann hafi ekki séð neina ástæðu til að skipta sér af háttsemi ungmennanna.
„Hann hafnaði því að krakkarnir væru að ónáða gamlingjann sem bað um að fá að ræða við vaktstjórann í einrúmi. Vaktstjórinn skildi gamla manninn ekki vegna takmarkaðrar íslenskukunnáttu. Krakkarnir eltu gamla manninn um Bónus og stóðu ofan í þeim, vaktstjóranum og gamla, en krakkahópurinn kallaði í sífellu, „Hann lýgur þessu.“ Og fékkst því ekki tækifæri til að ræða við vaktstjórnn í einrúmi og var líkast að gamli þyrfti að eiga við tvenn krakkagengi í einu, vaktstjórann ásamt öðrum asíu unglinga starfsmönnum sem stóðu álengdar, og krakkagengið.“
Rakið er að maðurinn hafi greitt fyrir vörurnar og síðan beðinn vaktstjórann úr aðstoð við að fara út bakdyramegin án þess að lenda í krakkahópnum sem beið fyrir utan. „Þau eru ekkert að bíða eftir þér, þau eru bara að chilla í aðalinngangnum,“ var svarið sem hann fékk.
Segir að þegar eldri maðurinn hafi komið út hafi krakkahópurinn elt hann, hann hafi því ekki viljað fara burt á bíl sínum, og verið hræddur um að hann yrði skemmdur síðar ef krakkarnir tækju niður númerið. Maðurinn hafi því gengið heim með tvo þunga poka og tekið nokkurra kílómetra sveig til að „losna við við einelti krakkagengisins“ og síðan tekið sér sér leigubíl til að fara að sækja bíl sinn.
Sagt er að maðurinn hafi rætt við rekstrarstjóra Bónus, sem sagði málið lítið koma versluninni við en hann myndi kannski skoða myndupptökur úr versluninni. Ekkert hafi þó heyrst frá honum vegna málsins.