fbpx
Þriðjudagur 22.apríl 2025
Fréttir

Rannsaka enn hvar stúlkunni var ráðinn bani

Ritstjórn DV
Þriðjudaginn 17. september 2024 12:47

Nærri rannsóknarvettvangi lögreglu, skammt norðan við Kleifarvatn. Mynd: Skjáskot/Google Earth.

Ekki missa af Helstu tíðindum dagsins í pósthólfið þitt

Lesa nánar

Að sögn Gríms Grímssonar yfirlögregluþjóns er ekki tímabært að gefa neitt út um raunverulegan vettvang andláts stúlku sem fannst látin við Krýsuvíkurveg á sunnudagskvöldið. Faðir stúlkunnar, Íslendingur á fimmtugsaldri, situr nú í gæsluvarðhaldi grunaður um að verða valdur að láti stúlkunnar sem hann hafði í umgengni á sunnudaginn. Þetta kom fram í hádegisfréttum RÚV. Ekki hafa frekari handtökur farið fram en Grímur sagði í gær við Vísi að ekki væri grunur um að sakborningar málsins séu fleiri, en í samtali við mbl.is í dag segist hann ekki úttala sig um þann möguleika en vel geti gerst við rannsókn mála að fleiri verði handteknir.

Grímur Grímsson segir lítið nýtt að frétta í málinu sem ekki hafi áður komið fram og sagði aðspurður að meðal þess sem er til rannsóknar sé hvar stúlkan lét lífið. „Það er ekki tímabært að gefa neitt út um það. Það er bara til rannsóknar en auðvitað höfum við ákveðnar kenningar um hvað er líklegt í því samhengi en það er enn til rannsóknar,“ sagði Grímur um það hvort stúlkunni var ráðinn bani í hrauninu við Krýsuvíkurveg eða annars staðar. Ekki hafa frekari skýrslutökur farið fram en hingað til hefur faðirinn lítið viljað tjá sig.

Snorri Sturluson, verjandi föðurins, segir föðurinn ekki mótmæla gæsluvarðhaldskröfu en formlegur kærufrestur til Landsréttar rennur út á fimmtudag.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Alfa brýnir okkur til að tilkynna til barnaverndar ef okkur grunar að barn verði fyrir ofbeldi

Alfa brýnir okkur til að tilkynna til barnaverndar ef okkur grunar að barn verði fyrir ofbeldi
Fréttir
Fyrir 12 klukkutímum

Auður biðlar til Ölmu Möller og spyr: Hvar er lækningin?

Auður biðlar til Ölmu Möller og spyr: Hvar er lækningin?
Fréttir
Í gær

Manstu ekkert eftir þér sem smábarn? – Þetta er ástæðan

Manstu ekkert eftir þér sem smábarn? – Þetta er ástæðan
Fréttir
Í gær

Forseti Íslands setur Stóra plokkdaginn á sunnudaginn

Forseti Íslands setur Stóra plokkdaginn á sunnudaginn
Fréttir
Í gær

Íslendingar minnast Frans páfa – „Væn manneskja“

Íslendingar minnast Frans páfa – „Væn manneskja“
Fréttir
Í gær

Hefur ekki fengið borgað fyrir bílskúrinn

Hefur ekki fengið borgað fyrir bílskúrinn
Fréttir
Fyrir 2 dögum

Varar við vinsælum olíum til steikingar – Segir þær geta valdið hættulegu krabbameini

Varar við vinsælum olíum til steikingar – Segir þær geta valdið hættulegu krabbameini
Fréttir
Fyrir 2 dögum

Tólf skotnir til bana á hanabardaga

Tólf skotnir til bana á hanabardaga