Viðbragðsaðilar á Suðurlandi hafa í dag og í kvöld leitað að tveimur aðilum sem talið er að hafi orðið undir ís fyrr í dag þegar hrun varð úr íshelli á Breiðamerkurjökli.
Um var að ræða 25 manna hóp erlendra ferðamanna af nokkrum þjóðernum sem voru í íshellaskoðun þegar slysið varð.
Mikill fjöldi björgunarfólks og viðbragðsaðila hefur tekið þátt í aðgerðinni. Aðstæður við leitina eru erfiðar og myrkur er nú skollið á. Ekki er talið forsvaranlegt vegna hættu á vettvangi að halda leit áfram í nótt. Leit hefur því verið frestað og verður henni fram haldið að nýju í birtingu í fyrramálið.
Greint var frá því fyrr í kvöld að tveir aðilar sem urðu fyrir íshruninu hefðu slasast alvarlega. Annar þeirra var úrskurðaður látinn á vettvangi en hinn var fluttur með þyrlu
LHG á Landspítalann og er líðan hans stöðug.
Lögreglan á Suðurlandi vinnur að rannsókn á slysinu.
