Síðasta mánuðinn hafa 98% kínverskra banka hafnað greiðslum frá rússneskum fyrirtækjum. Þetta kemur fram í nýrri skýrslu rússneska miðilsins Izvestia. Fram kemur að þetta eigi við um litla sem stóra banka og um greiðslur með kínverska gjaldmiðlinum yuan og rússneskum rúblum.
En nú virðist þessi greiðsluleið vera að lokast og því leita rússneskir bankar logandi ljósi að götum í netinu.
Rússnesk fyrirtæki hafa ekki getað greitt með dollurum og evrur síðan ESB og Bandaríkin lokuðu fyrir aðgang rússneskra banka að alþjóðlega greiðslukerfinu Swift í kjölar innrásarinnar í Úkraínu. Af þeim sökum hafa fyrirtækin neyðst til að nota yuan og rúblur.
Business Insider segir að skýrsla Izvestia virðist vera trúverðug, ekki síst vegna þess að Izvestia styður ráðamenn í Kreml og hefur því yfirleitt tilhneigingu til að draga úr áhrifum refsiaðgerðanna á rússneskan efnahag.
Business Insider segir að það sem fram kemur í skýrslunni sé einnig hlut af þróun sem er að eiga sér stað. Í frétt rússneska miðilsins Kommersant kemur fram að í júlí hafi kínverskir bankar hafnað 80% af greiðslu rússneskra fyrirtækja í yuan. Miðillinn segir einnig að Bank of China, sem er einn stærsti fjárfestingabanki heims, virðist hafa lokað Rússlandsdeild sinni en hún sá einmitt um að taka við og móttaka greiðslur í yuan.
Þessi þróun þarf ekki að koma algjörlega á óvart því í desember opnaði Joe Biden, Bandaríkjaforseti, fyrir fleiri möguleika til að setja fyrirtæki, utan Vesturlanda, á svartan lista ef þau hjálpa rússneskum fyrirtækjum við að sniðganga refsiaðgerðirnar. Bandaríkjaþing samþykkti álíka reglur í maí.
Í febrúar setti ESB nokkur kínversk fyrirtæki á svartan lista vegna fjárhagslegra tengsla þeirra við Rússland og fleiri bættust á listann í júní.