Landsréttur hefur staðfest gæsluvarðhaldsúrskurð Héraðsdóms Reykjavíkur yfir konu sem grunuð er um að hafa hvað eftir annað brotið rúður í lögreglubílum og einkabílum lögreglumanna. Var gæsluvarðhaldskrafan gerð á grundvelli þess að hætta sé á því að konan haldi áfram að brjóta af sér ef hún gengur laus. Undir þessi sjónarmið tóku héraðsdómur og Landsréttur.
Fjölmörg ætluð brot konunnar eru til rannsóknar hjá lögreglu, allt aftur til febrúar. Í sumar fer hins vegar að bera mjög á áðurnefndum skemmdarverkum á lögreglubílum og einkabílum lögreglumanna. Konan kannast ekki við að hafa framið nein slík brot en þann 28. síðastliðinn sendi hún eftirfarandi tölvupóst á Lögreglustjórann á Suðurnesjum:
„Jæja fer að vanta síman minn, ef þið viljið ekki fleiri brotnar rúður mæli með að fara að skila honum líka komnar 3 vikur“
Konan hefur verið úrskurðuð í gæsluvarðhald til 7. ágúst næstkomandi.
Sjá nánar hér.
