Það framtak verslunarkeðjunnar Costco að selja fötu með neyðarmáltíðum í Bandaríkjunum hefur vakið nokkra eftirtekt. „Heimsendafatan“, eins og netverjar uppnefna vöruna, inniheldur 132 máltíðir sem aðeins þarf vatn til að matreiða. Langur hillutími vörunnar er það sem gerir hana eftirtektarverða en matvælin sem í henni eru endast í allt að 25 ár.
Úrvalið er fjölbreytt en auk hvítra hrísgrjóna má meðal annars finna nokkrar tegundir af pasta, búðinga og ýmsar gerðir af súpum.
Í Bandaríkjum kostar fatan 99 dali eða rúmlega 13.500 krónur. Hafa netverjar meðal annars ýjað að því viðkvæmt pólitískt ástand í landinu sé ástæðan fyrir því að varan fór í sölu. Tilræðið við Donald Trump á dögunum gerði lítið til að bæla þær raddir.
Í svari Costco á Ísland við fyrirspurn DV kemur fram að ekki standi til, að svo stöddu, að bjóða upp á „heimsendafötuna“ hérlendis. Hins vegar gæti sú afstaða breyst ef að viðskiptavinir stórverslunarinnar sýna vörunni áhuga og greinanleg eftirspurn myndast.