Saga Kjartansdóttir, sérfræðingur á lögfræði- og vinnumarkaðssviði Alþýðusambands Íslands, segir mikla umfjöllun um mál veitingastaðanna WokOn og Pho ástæðu þess að fleiri mansalstengd mál hafa komið á borð vinnustaðaeftirlits ASÍ á þessu en síðustu ár.
Fjallað er um málið í Morgunblaðinu í dag.
Bæði er um að ræða fjölgun á tilkynningum frá almenningi en sérstaklega frá fórnarlömbum, fólki sem starfi enn í slíkum aðstæðum.
„Við höfum verið að sjá margt starfsfólk sem er við vinnu án atvinnuleyfis og finnst það vera að verða algengara og algengara. Það fylgir því að það sé fleira fólk statt á Íslandi án þess kannski að vera með leyfi til að vinna,“ segir Saga sem vill sjá skýrari stefnu hjá lögreglunni í þessum málum.
Saga segir að vandamál varðandi prufuvaktir og skort á ráðningarsamningi sé sérstaklega landlægt í veitinga- og ferðamannageiranum.
Lesa má nánar um málið í Morgunblaðinu.