Íslenskur karlmaður á fertugsaldri hefur verið dæmdur í þriggja mánaða fangelsi í Danmörku fyrir hrottalega líkamsárás á unnustu sína. Í frétt Vísis um málið, sem byggir á umfjöllun danskra miðla, kemur fram að héraðsdómur í bænum í Esbjerg á Jótlandi hafi kveðið upp dóminn í síðasta mánuði.
Var maðurinn, sem er 33 ára gamall, sakfelldur fyrri að kýla unnustu sína margsinnis í andlitið þar sem þau voru stödd á bílstæði í bænum. Lögreglukona á frívakt varð vitni að atvikinu og kom konunni til bjargar.
Auk fangelsisvistarinnar á maðurinn yfir höfði sér að vera vísað úr landi.