Kamala Harris, varaforseti Bandaríkjanna, heldur því fram í tísti á samfélagsmiðlinum X, að það vaki fyrir Donal Trump forsetaframbjóðanda að banna þungunarrof um öll Bandaríkin.
Á hinn bóginn ætli hún og Biden forseti að gera „allt sem í okkar valdi stendur til að stöðva hann og endurheimta frelsi kvenna til barneigna.“
Eigandi X, athafnamaðurinn heimsfrægi, Elon Musk, sakar Kamölu um lygar í þessari fræslu. Hann segir:
„Hvenær munu stjórnmálamenn, eða að minnsta kosti lærlingarnir sem stýra reikningunum þeirra, læra að lygar á þessum vettvangi virka ekki lengur?“
Mikil vandræði eru í demókrataflokknum eftir hörmulega frammistöðu Joe Biden forseta í sjónvarpskappræðum frambjóðendanna tveggja fyrir skömmu. Virkaði Biden sem nánast elliær og minnislaus í kappræðunum. Vangaveltur eru um að hann stigi til hliðar og annar taki við keflinu. Kamala Harris nýtur hins vegar ekki vinsælda og ólíklegt er að hún verði frambjóðandi demókrata.
When will politicians, or at least the intern who runs their account, learn that lying on this platform doesn’t work anymore? pic.twitter.com/wP7H4AJFwG
— Elon Musk (@elonmusk) July 1, 2024