Lögreglumenn kolfelldu nýjan kjarasamning milli Landssambands lögreglumanna og ríkisins.
Á kjörskrá voru 809 lögreglumenn og tóku 82,8% félagsmanna þátt í atkvæðagreiðslunni, 67,91% þeirra sögðu nei en 30,9% já.
„Það er almennt mikil reiði í lögreglumönnum vegna stofnanasamnings sem var gerður árið 2021. Þeim finnst hann ekki hafa verið virkjaður nægjanlega mikið og að ekki hafi verið staðið við hann,” segir Fjölnir Sæmundsson, formaður Landssambands lögreglumanna við Morgunblaðið.
Segir hann lögreglumenn bera laun sín saman við landamæraverði og tollverði og telji sig ekki fá sambærileg laun. Lögreglumenn séu jafnframt ósáttir við að ekki sé greitt fyrir persónuleg atriði eins og menntun og álag, en stofnanasamningurinn átti einmitt að tryggja það. Fjölnir segir laun lögreglumanna einnig ekki mæta of miklu álagi sem þeir vinna undir.
Nánar má lesa um málið á Mbl.is.