Af ótta við að vera kallaðir í herinn og deyja í stríðinu við Rússa fara margir úkraínskir karlmenn í felur. Í stórum borgum á borð við Kyiv og Lviv eru hópar á samfélagsmiðlum notaðir til að koma viðvörunum um herkvaðningu áleiðis. Í sumum þessara hópa eru tugir þúsunda manna.

The New York Times skýrir frá þessu og hefur þetta eftir úkraínskum karlmönnum, sem vilja ekki fara í stríð. Þeir segjast óttast að verða sendir í fremstu víglínu án þess að fá næga þjálfun áður.

Hernaðarsérfræðingar hafa áður tekið í sama streng og segja að skortur á þjálfun geri varnirnar í fremstu víglínu erfiða.

Frá því í febrúar 2022 hefur herkvaðning verið í gangi í Úkraínu og hefur hún verið framlengd hvað eftir annað. Reglurnar, sem gera mönnum á herskyldualdri kleift að koma sér hjá því að gegna herþjónustu, hafa einnig verið hertar hvað eftir annað.