Anna Bretaprinsessa, systir Karls Bretakonungs, var flutt með hraði á spítala í gærkvöldi. Breskir fjölmiðlar greina frá því að hestur hafi slasað prinsessuna en nánari atvikalýsing liggur ekki fyrir. Talið er að prinsessan hafi verið í kvöldgöngu á sveitasetri sínu Gatcombe Park í Gloucester-skíri þegar óhappið varð. Segja bresku miðlarnir að áverkar prinessunar hafi rímað við það hestur hafi sparkað í hana.

Á prinsessan að hafa hlotið heilahristing sem og önnur smávægileg meiðsli. Talið er að hún muni ná fullum bata en þurfi að taka sér einhverja hvíld frá konunglegum skyldustörfum sínum. Meðal annars var fyrirhugað að prinsessan færi í opinbera heimsókn til Kanada í vikunni. Er hún einn iðnasti og sýnilegasti meðlimur konungsfjölskyldunnar, sérstaklega eftir að Karl Bretakonungur og Vilhjálmur prins þurftu að draga sig aðeins í hlé vegna veikinda konungs og Katrínar Bretaprinsessu.

Anna, sem er 73 ára gömul,  lifir og hrærist í hestamennsku en hún keppti meðal annars í reiðfimi á Ólympíuleikunum í Montreal árið 1976.