Að vakna upp í svitakófi getur valdið fólki ótta, sérstaklega ef það hefur aldrei komið fyrir áður. Ýmsar ástæður geta legið að baki og brýnt að komast að því hvað sé að valda. Líkaminn er ekki að starfa eins og hann á að gera.
Um nætursvita er fjallað í grein í tímaritinu Time. Ýmsar ástæður eru þar nefndar sem geta skýrt nætursvita.
Ofhitnun er ein af þekktustu einkennum breytingaskeiðsins. Því er ekki óeðlilegt að svitna mikið og þessi sviti getur komið fram á næturnar.
En svitakóf getur einnig tengst sjúkdómum eða kvillum. Svo sem taugasjúkdómum eða breytingum á starfsemi skjaldkirtilsins. Þá geta svitakóf um nætur einnig verið afleiðing sýkingar, svo sem af völdum malaríu eða berklum.
Kæfisvefni gæti einnig verið um að kenna. Rannsóknir sýna að fólk sem hrjáist af kæfisvefni sé þrefalt líklegra til þess að svitna mikið um nætur.
Mörg lyf geta valdið því að fólk svitni á næturnar. Meðal annars þunglyndislyf, hormónar, sykursýkislyf og sterar.
Ef fólk er að taka lyfseðilsskyld lyf sem valda óþægindum er hægt að tala við lækni og reyna að stilla lyfin betur af eða að fá sams konar lyf sem innihalda ekki þessar aukaverkanir.
Ýmis matvæli geta valdið því að fólk svitnar. Sérstaklega má nefna mjög kryddaðan mat. Að borða jalapeno pizzu eða wasabi hnetur rétt fyrir svefninn er kannski ekki mjög sniðugt vilji maður forðast að vakna í svitabaði.
Annar algengur svitavaldur er áfengi. Að drekka áfengi fyrir svefninn getur verið ávísun á svitakóf.
Þetta kemur kannski ekki á óvart. Margir kljást við streitu og kvíða sem valda alls konar einkennum. Meðal annars þörf til að komast úr aðstæðum með barningi eða flótta (fight or flight). Þetta hrærir í taugakerfinu á okkur, meira að segja þegar við sofum. Ef við erum áhyggjufull er líklegra en ekki að við svitnum á næturnar.
Sérfræðingar mæla með því að fólk sem er að kljást við streitu og kvíða rói sig niður fyrir svefninn. Það er stundi hugleiðslu eða fari í langt bað með ilmsöltum.
Kannski er það ekki þú sem ert vandamálið heldur rúmið sem þú liggur í. Mestu máli skiptir að nota lífræn rúmföt, sem anda vel, en ekki gerviefni. Einnig skiptir máli að rúmfötin séu þægileg, því að hrjúf rúmföt eru líklegri til þess að valda óþægindum og þar af leiðandi svita.
Dýnan sjálf gæti einnig verið vandamálið. Hvað fólki finnst þægilegt er misjafnt, það er mjúkt eða stinnt. Þá geta þéttar dýnur einnig haldið í sér hita.
Ýmislegt annað í umhverfinu gæti einnig verið um að kenna. Svo sem náttfötin sem þú klæðist eða jafn vel hitastillingin í herberginu.
En hvenær er æskilegt að fólk fari og tali við lækni út af nætursvita? Að minnst kosti er gott að gera það þegar nætursvitinn er farinn að trufla nætursvefninn og valda óþægindum um nætur.
