Kona í Bretlandi að nafni Tania lenti í óskemmtilegri lífsreynslu þegar hún ætlaði að selja sjónvarpið sitt á Facebook. Maðurinn sem sagðist ætla að kaupa það vildi eitthvað allt annað þegar hann mætti til að sækja.
Greint er frá þessari sögu í breska blaðinu Mirror.
Tania þessi varar fólk við því að selja hluti á Facebook eftir þá hræðilegu lífsreynslu sem hún lenti í í byrjun marsmánðar. Tania ætlaði að verða sér úti um smá aukapening með því að selja gamla sjónvarpið sitt í grúbbu á Facebook.
Maður hafði samband við hana og sagðist hafa mikinn áhuga á raftækinu. Virtist hann vera ærlegur og heiðarlegur með það.
Þegar maðurinn mætti þá hafði hann lítinn áhuga á sjónvarpinu. Hann fór hins vegar að gera hosur sínar grænar fyrir Töniu á ágengan hátt. Spurði hvort hann mætti ekki koma inn og reykja svolítið og hanga með henni. Ekki nóg með það þá reyndi hann einnig við konna sem var að leigja með henni.
Tania sagði manninum að hún hafði engan áhuga á að eiga í neinum samskiptum við hann önnur en að taka við greiðslu og afhenda sjónvarpið. Ekkert varð hins vegar úr sölunni. Maðurinn hélt áfram að spyrja óviðeigandi spurninga, til dæmis hvort hún vildi „prófa eitthvað nýtt.“
Sögðu konurnar þá að makar þeirra væru að koma heim eftir nokkrar mínútur, en þær áttu í raun hvorugar maka. Hann hélt hins vegar áfram og sagði: „Eruði vissar um að þið viljið ekki fíflast eitthvað í kvöld?“
„Ég var svo hrædd að ég eyddi öllu út af Facebook Marketplace og ég gaf vini mínum sjónvarpið,“ sagði Tania.
Sögunni lauk hins vegar ekki þarna þar sem Tania taldi sig hafa séð bíl mannsins fyrir utan í nokkur skipti eftir þetta. Endaði hún á að flytja úr húsinu. Varar hún aðrar notendur Facebook Marketplace á því að gefa upp heimilisföng, heldur afhenda frekar vörur á opinberum stað.
