fbpx
Fimmtudagur 03.apríl 2025
Fréttir

Guðlaugur Þór leiðréttir útbreiddan misskilning: „Þrátt fyr­ir þessa staðreynd flýg­ur sag­an áfram“

Ritstjórn DV
Fimmtudaginn 18. apríl 2024 09:00

Guðlaugur Þór Þórðarson

Ekki missa af Helstu tíðindum dagsins í pósthólfið þitt

Lesa nánar

Guðlaugur Þór Þórðarson, umhverfis-, orku- og loftslagsráðherra, segir að honum hafi að undanförnu borist fyrirspurnir úr mörgum áttum um af hverju hann hafi sem utanríkisráðherra ákveðið að veita Venesúelabúum sérstaka vernd hér á landi.

Guðlaugur Þór gerir þetta að umtalsefni í aðsendri grein sem birtist í Morgunblaðinu í dag.

Í grein sinni bendir hann á að hugtakið upplýsingaóreiða hafi verið mikið til umræðu að undanförnu og hún virðist oft skjóta upp kollinum í umdeildum málum. Nokkur brögð séu að því að gripið sé til þessa í íslenskum stjórnmálum þótt aðferðin sé útbreiddari í öðrum heimshlutum.

Hann nefnir svo fyrrnefndar fyrirspurnir um aðkomu hans að því að veita Venesúelabúum vernd hér á landi.

„Í fyrstu gerði ég ráð fyr­ir, og taldi aug­ljóst, að um mis­skiln­ing væri að ræða enda hafði ég sem ut­an­rík­is­ráðherra ekk­ert for­ræði yfir þess­um mál­um og ákvörðunum þeim tengd­um. Ég taldi þessa staðreynd máls aug­ljósa og gerði ráð fyr­ir því að þetta væri öll­um ljóst, enda heyra út­lend­inga­mál ekki und­ir ut­an­rík­is­ráðuneytið,“ segir Guðlaugur sem bætir við að áfram hafi hann þó fengið fyrirspurnir.

„Blaðamaður Morg­un­blaðsins hafði áður haldið þessu fram í þætti Dag­mála síðastliðið haust. Stein­inn tók úr þegar þátt­ar­stjórn­andi í Viku­lok­un­um á Rík­is­út­varp­inu hélt þessu fram full­um fet­um án mót­mæla eða at­huga­semda frá viðmæl­end­um í fe­brú­ar síðastliðnum. Full­yrðing­in kom sömu­leiðis fram í vin­sæl­um hlaðvarpsþætti og nú ný­lega birt­ist full­yrðing­in á prenti í Viðskipta­blaðinu: „Guðlaug­ur Þór Þórðar­son ákvað af ein­hverj­um óskilj­an­leg­um ástæðum að opna landið fyr­ir fólki frá Venesúela…“

Guðlaugur Þór telur nauðsynlegt að leiðrétta þetta og það gerir hann í grein sinni.

„Þess­ar full­yrðing­ar eru kolrang­ar. Útlend­inga­mál­in, og þ.m.t. mál­efni kær­u­nefnd­ar út­lend­inga­mála, voru ekki á minni könnu sem ut­an­rík­is­ráðherra Íslands, ekki frek­ar en mál­efni Land­spít­al­ans eða Sin­fón­íu­hljóm­sveit­ar Íslands. Aðrir ráðherr­ar báru ábyrgð á mála­flokkn­um. Þrátt fyr­ir þessa staðreynd flýg­ur sag­an áfram og upp­lýs­inga­óreiðan eykst þar sem einn end­ur­tek­ur um­mæli ann­ars.“

Guðlaugur Þór endar skrif sín á þessum orðum:

„Það er ekki annað hægt en að velta vöng­um yfir því hvort ein­fald­lega sé um að ræða mis­skiln­ing eða hvort ásetn­ing­ur liggi að baki þeirri und­ar­legu og röngu sögu­skýr­ingu að ut­an­rík­is­ráðherra beri ábyrgð á ákvörðun sjálf­stæðrar stjórn­sýslu­nefnd­ar á mál­efna­sviði dóms­málaráðuneyt­is­ins um aukna vernd íbúa Venesúela.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 10 klukkutímum

Þorvaldur: Gætum átt von á óvæntum atburðum – „Það kæmi mér ekki á óvart“

Þorvaldur: Gætum átt von á óvæntum atburðum – „Það kæmi mér ekki á óvart“
Fréttir
Fyrir 10 klukkutímum

Staðan á Reykjanesskaga: 80-120 skjálftar mælast á hverri klukkustund

Staðan á Reykjanesskaga: 80-120 skjálftar mælast á hverri klukkustund
Fréttir
Fyrir 22 klukkutímum

Trump tilkynnir um tolla á innflutning – „Dagur frelsunar“

Trump tilkynnir um tolla á innflutning – „Dagur frelsunar“
Fréttir
Fyrir 22 klukkutímum

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína
Fréttir
Í gær

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Í gær

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”