Málþing á vegum félagsins Frelsi og ábyrgð verður haldið í Reykjavík Natura fimmtudaginn 4. apríl kl. 18 til 21.
Yfirskriftin er: „Segjum frá! Málþing sem á erindi við okkur öll.“
Eftirfarandi erindi verða flutt á málþinginu:
Dr. Aseem Malhotra hjartasérfræðingur á Bretlandi fjallar um bólusetningar gegn Covid-19 og tengsl þeirra við hjartasjúkdóma. Malhotra var ötull talsmaður Covid-19 bóluefnanna í upphafi, en eftir að hann tók að gera sér grein fyrir hliðarverkunum þeirra hefur hann barist fyrir því að þau verði tekin af markaði.
Dr. Mattias Desmet, sálfræðiprófessor við háskólann í Ghent í Belgíu er höfundur metsölubókarinnar The Psychology of Totalitarianism þar sem hann rekur kenningar sínar um fjöldadáleiðslu (e. mass formation). Desmet fjallar um hvernig sálfélagslegar aðstæður í samfélaginu ollu skilyrðislausri fylgispekt almennings við tilskipanir sem hvorki áttu sér stoð í vísindum né heilbrigðri skynsemi.
Justine Tanguay er reyndur málflutningsmaður sem hefur helgað feril sinn því að standa vörð um réttindi barna. Hún fjallar um spillingu innan heilbrigðisgeirans í Bandaríkjunum og hvernig hún hefur smitast um heim allan.
Dr. Peter McCullough er sá fræðimaður innan læknavísindanna sem gefið hefur út hvað flestar ritrýndar greinar, en hann er hjartalæknir, lyflæknir og faraldsfræðingur. McCullough fjallar í streymi um alvarlegar aukaverkanir og dauðsföll vegna Covid-19 bóluefna og meðferðarúrræði fyrir þá sem orðið hafa fyrir skaða.
Að lokum greina tveir Íslendingar sem urðu fyrir alvarlegum skaða vegna bóluefnanna frá reynslu sinni.
Málþingið hefst kl. 18 á Reykjavík Natura, Nauthólsvegi 51, 102 Reykjavík.
Aðgangseyrir er kr. 5.000 og leggist inn á reikning Frelsis og ábyrgðar, 1161-05-250164 kt. 491121-3510 eða greiðist með reiðufé á staðnum.
