„Þetta er svo hörmu­legt mál að maður trú­ir því varla að þetta sé að ger­ast á Íslandi,“ segir Ásta S. Fjeldsted, forstjóri Festi, móðurfélags Krónunnar, í Morgunblaðinu í dag.

Ásta segir að Krónan hafi reynt að losna út úr samningu við Wok On en veitingahúsakeðjan rak þrjá staði í verslunum Krónunnar. Lögregla réðst í umfangsmiklar aðgerðir í síðustu viku vegna gruns um peningaþvætti, mansal og skipulagða brotastarfsemi.

Ásta segir að Krónan hafi sagt upp samningum við Wok On í nóvember í fyrra og síðan þá hafi fyrirtækið reynt að koma sér út úir samstarfinu. Af lagalegum ástæðum hafi það reynst erfitt því Krónan þá verið bótaskyld.

Ásta bendir á að Krónan hafi ekki fengið skýrslur Heilbrigðiseftirlitsins til sín en í þeim fékk Wok On lága einkunn.

„Við tök­um þessu mjög al­var­lega og erum að end­ur­skoða all­ar þær kröf­ur og upp­lýs­inga­gjöf sem við not­um til þess­ara sjálf­stæðu veit­inga­rýma í versl­un­um Krón­unn­ar sem og ann­ars staðar hjá okk­ur,“ segir hún við Morgunblaðið.

Hún segir að starfsfólki Krónunnar sé brugðið eftir aðgerðir lögreglu. Um sé að ræða hörmulegt mál.

„Ef rétt reyn­ist, og að um man­sal og fleira hafi verið að ræða, reyn­ir á staðlað ákvæði í samn­ing­um okk­ar sem við trúðum að aldrei myndi reyna á. All­ir samn­ing­ar okk­ar kveða skýrt á um vernd alþjóðlegra mann­rétt­inda og að vinna gegn hvers kyns nauðung­ar- eða þrælk­un­ar­vinnu. Við rift­um samn­ingn­um strax í kjöl­far þess að aðgerðirn­ar fóru fram, þó svo að auðvitað hefðum við viljað slíta þeim strax í nóv­em­ber.“