fbpx
Mánudagur 31.mars 2025
Fréttir

Kokkurinn Theodór Páll dæmdur í sjö ára fangelsi – Ungar stúlkur í viðkvæmri stöðu voru skotmörk hans

Ágúst Borgþór Sverrisson
Miðvikudaginn 7. febrúar 2024 14:29

Ekki missa af Helstu tíðindum dagsins í pósthólfið þitt

Lesa nánar

Þrítugur matreiðslumaður, Theodór Páll Theodórsson, hefur verið dæmdur í 7 ára fangelsi fyrir fjölmörg kynferðisbrot. Þetta staðfestir Karl Ingi Vilbergsson, saksóknari hjá Embætti héraðssaksóknara, en dómurinn hefur ekki verið birtur á vefsíðu dómstólanna. Var dómurinn kveðinn upp þann 12. janúar síðastliðinn.

DV greindi ítarlega frá málum Theodórs í nóvember á síðasta ári. Var hann ákærður fyrir tíu kynferðisbrot, þar af voru mörg þeirra gegn tveimur 14 ára stúlkum. Hann var einnig ákærður fyrir vændiskaup af konum yfir lögaldri. Í gæsluvarðhaldsúrskurði yfir Theodór kom fram að brot hans beindust gegn mjög ungum stúlkum í viðkvæmri stöðu en stúlkurnar voru báðar virkar í áfengisneyslu. Hann seldi áfengi í gegnum Snapchat og tældi þær til að hitta sig í gegnum þau samskipti. Greiddi hann þeim fyrir kynlíf með áfengi og reiðufé. Í úrskurðinum kemur fram að framburður stúlknanna hjá lögreglu hafi verið mjög trúverðugur og studdur gögnum út t.d. öryggismyndavélum. Einnig fundust lífsýni af stúlkunum í bíl hans sem studdu framburð þeirra um að hann hafi brotið gegn þeim kynferðislega.

Sjá einnig: Meintur barnaníðingur úrskurðaður í gæsluvarðhald til 15. desember – Seldi áfengi í gegnum Snapchat og tældi ungar stúlkur þar

DV greindi einnig frá því að Theodór væri sakaður um fleiri kynferðisbrot en þau sem voru til umfjöllunar í réttarhöldunum við Héraðsdóm Reykjavíkur. Hann var meðal annars kærður fyrir brot gegn grunnskólanemanda í í skóla á Norðurlandi þar sem hann starfaði sem matreiðslumaður í mötuneyti skólans. Átti það atvik sér stað árið 2021 og er enn til rannsóknar, en brotin sem Theodór var dæmdur fyrir í janúar voru framin sumarið 2023.

Sjá einnig: Myrkur ferill kokksins Theodórs Páls – Vændiskona lýsir kynnum sínum af honum

Theodór Páll, sem er þrítugur að aldri, hefur undanfarin ár starfað sem matreiðslumaður á ýmsum þekktum veitingastöðum. Hann hefur einnig skrifað fjölmargar greinar um matreiðslu og veitingahús á vefnum Veitingageirinn.

Samkvæmt upplýsingum frá Héraðsdómi Reykjavíkur verður dómurinn yfir Theodór birtur bráðlega og mun DV fjalla nánar um hann síðar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Einn vinsælasti tengiltvinnbíll Íslendinga snýr aftur

Einn vinsælasti tengiltvinnbíll Íslendinga snýr aftur
Fréttir
Fyrir 13 klukkutímum

Tjáir sig um heilsufar Pútíns – „Hann deyr fljótlega“

Tjáir sig um heilsufar Pútíns – „Hann deyr fljótlega“
Fréttir
Í gær

Segir rógi, rangfærslum og níði hafa verið beitt gegn Magnúsi Karli

Segir rógi, rangfærslum og níði hafa verið beitt gegn Magnúsi Karli
Fréttir
Í gær

Hátt í 30 manns bjargað af Eyjafjallajökli

Hátt í 30 manns bjargað af Eyjafjallajökli
Fréttir
Fyrir 2 dögum

Dæmdur morðingi á reynslulausn þarf að fara aftur í fangelsi

Dæmdur morðingi á reynslulausn þarf að fara aftur í fangelsi
Fréttir
Fyrir 2 dögum

RÚV gefur út leiðréttingu vegna umfjöllunar Spegilsins um mál Ásthildar Lóu – „Fréttastofa RÚV harmar þessi mistök“

RÚV gefur út leiðréttingu vegna umfjöllunar Spegilsins um mál Ásthildar Lóu – „Fréttastofa RÚV harmar þessi mistök“