Stúlkan var enn með naflastrenginn fastan á sér og þá var búið að vefja hana inn í handklæði og setja í poka merktan Marriott-hótelinu. Hlaut stúlkan viðurnefnið Baby Skylar.
Það var svo í gær að yfirvöld tilkynntu að þau hefðu handtekið móður barnsins, hina 51 árs gömlu Annie Anderson, sem búsett er í Washington-ríki. Á hún yfir höfði sér ákæru fyrir manndráp.
Lögregla notaði DNA-tæknina til að finna móðurina. Báru sérfræðingar lögreglu DNA úr barninu saman við DNA sem var í gagnagrunni lögreglu og þannig tókst þeim að þrengja hringinn uns móðirin fannst.
Krufning leiddi í ljós að stúlkan var við góða heilsu þegar hún fæddist. Benti allt til þess að þrengt hefði verið að öndunarvegi stúlkunnar eftir fæðingu með þeim afleiðingum að hún lést.
Í fréttum bandarískra fjölmiðla kemur fram að Annie hafi játað að vera móðir stúlkunnar.